266 Anhang. (IX.)
kunig, bekennen und tun kunt offenbar mit disem brief allen
den, die in sehen oder horen lesen, das zu uns gesandt haben ir
erbere botschaft unsere und des reiches lieben getruen burgermaister,
rat und burger der stat zu Ulme und haben uns furbringen lassen,
wie sie und die stat zu Ulme von alters her von unsern vorfarea
amı reiche, Romischen keisern und kunigen, nemlich von unserm
lieben herren und vater keiser Karl seligen gefreiet sein: wer zu
in gemainiclich oder sunderlich zu sprechen haben, das si den vor
irem stab und irem haus antwurten sollen als danne dieselben
brief clerlichen innehalten, und wie si vorbetrechticlich bedacht
haben, das in das von etlichen underweilen anders dann ir geleich
furgenommen wir, und haben uns gebeten, alle nachrede und ungelimpf
zu vermeiden und das niemantg gesprechen möge, das si
in iren aigen sachen richter sein sollen, das wir in danne solich
ir gnade von keiserlicher macht zu verendern gnediclich geruchten,
des haben wir angesehen der egenanten von Ulme fleissige bete und
ouch ir sunderlich angeneme dienste und lautere trewe und gehorsam,
die sie uns und dem heiligen reiche allezeit unverdrossenlich getan
haben, teglich tun und zu tun berait sein in kunftigen zeiten, und
sunderlich betracht stattlich ersuchung und gute lobliche meinung
der egenanten von Ulme, die sie fur sich genomen haben, das
niemant in sein selbs sach oder in den dingen, die in sust zusten,
sein selbs richter sein sol noch mag, und haben darumb mit wolbedachtem
mute, gutem rate unserer und des reichs getrewen und
rechten wissen dise besunder gnade getan und tun ouch mit disem
brief und Romischer keiserlicher machtvolkommenheit: was iemant
zu der gemeinen stat und commun zu Ulme zu sprechen hat oder
gewinnet, das der recht zu Ulme darumb von in nemen sol mit
solicher beschaidenheit, das die von Ulme die fünf, siben oder neun
us welchen reichsteten umb si gelegen der geswornen rete si wollen,
aus ainer oder mer nemen und gen U’Im besenden sollen, mit den
dann der gesworn amman zu Ulme uf dem ratlıus offen gericht
besitzen sol, und uf die sollen si dann von dem gemeinen commun
umb alle solich sachen gerecht werden und si sollen ouch daruber
niender anderswo weder fur unser und des reichs hofgerichte,
andere hofgerichte, lantgerichte und gerichte furgetriben, geladen
noch bekumbert werden in dehain wise. Und sol ouch menglich
das recht also von in nemen und ob von iemant ichts dawider in
ainichen obgeschriben stucken geschee oder getan würde uf hof-10
15
20
25
35
gerichten oder andern gerichten uf gemein oder schidlutt oder wie 40
