133 VII. Theilungsvertrag der Söhne Kurfürst Friedrichs I. von 1447. 667
ane argelist und ane allis geverde. Und des allis zu urkunde haben wir unser
insigel an diesen brief hencken laßeu, und wir Johanns, Friderich und Albrecht
gebruder Marggraven zu Brandburg und Burggraven zu Nurnberg bekennen
offentlich in diesem briefe fur uns und fur unsern jungsten Bruder Marggraff
Friderichen des wir uns mitsampt unserm herren und lieben vatter gemechtiget
haben und fur alle unser und sein erben das diese obgeschriben teydinge tey-
lunge ordenungen und satzunge, die dann der obgenante unser lieber herre und
vatter zwischen uns getan hat mit unserm gutem freyen willen, wissen und wort
zugangen und gescheen ist uns des alles Bruderlich miteinander voreynet haben
und auf unsern lieben herren und vattern komen und gangen sein wie er uns
setzet ordent, und teilt so er dann intzund getan hat des sullen und wollen wir
Im, ane allis widdersprechen gefolgick und gehorsam sein als wir das dann zu
haltten zu thun, und zu vollfuhren demselben unserm lieben herren und vattern
mit handgebenden treuen gelobt geret und versprochen, auch des nu zu merer
sicherheit zu den heiligen gelert eyde in diesen brieff gesworen haben und
sweren in craft dieses briefes und haben unser iglicher sein aigen insigel zu
des obgenanten unsers lieben herren und vatters insigel an diesen brief gehangen
der geben und gescheen ist zu Plassenberg am freytage nach sandt Bonifaciitage,
noch Cristi unsers herren geburt viertzehen hundert jar und dornnach im siben
und dreissigsten jare.
Orig.-Perg. mit vier anhängenden Siegeln im Königlichen Haus-Archiv zu Berlin. Rep. V. —
In dorso: Teylungsbr. Marggraw Fridrichen etc. Churfürstens zwischen seiner C. F. @. Sonen Marg-
graff Friderichen Johannßen Albrechten und Fridrichen Im 1437sten jare. ® nach Bonifacii m. Mart.
Mehrfach gedruckt, so bei Gundling in jure et facto gegründete facti Species Beil. MM., in
v. Falkenstein, Urkunden und Zeugnissen vom 8. Seculo bis auf gegenwärtige Zeiten, worin die wich-
tigsten das Burggrafthum Nürnberg betreffenden hohen Vorrechte, Freiheiten enthalten (Neustadt an
der Aisch. 1789. Fol.) 8. 279.
VI.
Theilungsvertrag der Söhne Kurfürst Friedrichs I.
vom 16. September 1447.
(Aus dem königlichen Hausarchive zu Berlin.)
Von gotes gnaden Wir Johanns und Albrecht gebruder, Marggrauen zu
Branndenburg, und Burggrauen zu Nuremberg, Bekennen und tun kunt offentlich
mit disem brieve allen den die in sehen oder horen lesen. So als der hoch-
geborn Furste unser lieber Herr und vater Herre Fridrich Marggraue zu Brann-
denburg des heiligen Romischen rychs Ertzcamrer und Burggraue zu Nuremberg
seliger bey seinem leben die hochgeborn Fursten unnser lieben bruder Herrn Frid-
richen den eltern, und Herren Fridrichen den Iungern Marggrauen zu Brannden-
burg etc. und uns mit aller unnser wissen und vulwert geordent gesatzt und ge-
teylet wie wir mit unsern Herscheften landen und leuten die er gelassen und
auff uns geerbet hat nach seinem tode sitzen sein und bleyben. Und nemlich wie
unnser brüder die Marck zu Branndenburg gemptlichen haben und nach ettlicher
