672 VII. Theilungsvertrag der Söhne Kurfürst Friedrichs I. von 1447. 138
werntlichen sachen, allenthalben und ausser lands haben und tun mussen und
auch sunderlichen darumb, das unnser bruder Marggraf Fridrich der elter sein
obgeschriben eegelt übergeben hat, das Im unnser bruder Marggrave Fridrich
der Iunger an sulchem eegelt kein widerstatung tun bedarff und auch umb des-
willen das unnser bruder Marggrave Fridrich der Iunger wenn er ein eeliche
gemahel nympt, das er sulch sein eegelt alsdann allein behalden sol, und unnserm
bruder Marggrave Fridrichen dem eltern, seinen erben oder erbnemen daran kein
widerstatung tun bedarf. Widerumb haben wir obgenanten Fursten Marggrave
Johanns und Marggrave Albrecht, berett und beteydingt das unnser obgenanter
bruder Marggrave Fridrich der Iunger, sein menlich leibserben und erbnemen,
die Alten Marck und Priegnitz mit allen iren zuslegen, ortern und diesen nach-
geschriben slossen und steten, mit namen Tangermunde, Stendal, die alde stat
Saltzwedel die New stat Saltzwedel, Gardlege, Arneborch, Seehusen, Osterborch,
Werben, Perleberg, Lentzen, Prietzwalt, Kyritz, Havelberg, Calve, Ketzendorff,
Arxsleven, Apenborch, Flechtinge, Tylssen, Aulosen, Langen, Apeldorne, Oster-
walt, Crumbeke, Uchtenhagen, Borchstael, Potlist, Wittenberg, Meygenborch,
Neuehauß, Freyenstein, Stofflenow Kletzk die Horst, Fredestorff und sunst mit
allen slossen, steten, merckten und dorfiern, versprechnussen und mit allen
andern offen slossern, darczu gehorend, benennet oder unbenennet, mit allen iren
zuslegen, geistlichen und werntlichen gerichten und lehnen, mit dem bischove,
tumprobst und stifte zu Havelberg, ausgenomen das lendechin zu Bellyn, das zu
der Neuen Marck, unnserm bruder marggrave Fridrichen dem eltern und seinen
erben gehoret, und furder auch dabey bleyben sol, probsteyen, probst, junck-
frauen clöster, mit dem tumprobst techant und stifte zu Stendal ausgenomen
die funff pfrunde, die dann obengemeldet und auzgeczogen sind, den probst zu
Salczwedel zu unnser lieben frawen den probst und Capell auf dem schlosse
Tangermunde, dem probst und stifte zum heiligen geist vor Salczwedel, die
compthureye zu Werben, mit den clöstern Distorp, Dambeke, Neuendorfi, Creuesen,
Arndsee, Heylig grap und Stepenicz, mit dem stifte zu Boister und probstey zu
Seehusen, und mit allen andern geistlichen personen, iren geistlichen lehnen und
mit allen den iren und iren gütern, mit allen hayden, holzern, wildpenen, ge-
bieten, getwengen, mit dem See zu Preczem, mit allen andern wassern, wayden,
mit allen herrlikeyten, freyheiten, gnaden, gerechtikeyten, zollen, mulen, orbeten,
mit geboten und verpoten und sunst mit allen andern zugehorungen, uf disseyt
der Elben in der Alten Marck und Priegnicz, und auch auff andern orttern und
enden gelegen, sie auch semptlich darczu gepracht, gewunnen, gekauft und die
noch darczu gewynnen, kaufen, oder bringen, wie die namen hetten, oder haben
mochten zu ewigen zyten behalden und geprauchen sullen, alles vor dem ge-
nanten unnserm bruder Marggraven Fridrichen den eltern, seinen erben und erb-
nemen ungehindert und alsdann unnsers bruders Marggrave Fridrichs des eltern
schulde, außrichtung und beczalung, in der Neuen Marck, Uker, im lande zu
Sternberg, und in andern orttern, auff jenseyt der Elbe und Havelen und in
iren zuslegen, vast vil höher und mer sind, dann in der Alten Marck Priegnicz
und in in iren zuslegen auff diesseyt der Elbe, die dann unnser bruder Marg-
