678 VIII. Theilung, Ordnung, Satzung, Vertrag, Einigung 144
schefte, gemechte oder ordenung eyns oder mer in eyngerley weise verrucken
oder gekrencken mochten dieselben nachgetan geschefte sullen kein macht noch
kraft haben noch gewynnen, weder mit gerichte noch on gerichte, geistlichen
noch werntlichen in kein weise, sundern dise obgeschriben geschefte, ordenung,
gemechte und verpundnüsse, sullen in iren mechten und kreften vestiglichen be-
steen und bleyben, als sie in disem brive begriffen sein und geschriben steen on
alles geverd. Auch haben wir berett, und beteydingt, das die teylung, ordenung
und saczung, die dann der obgenant unnser lieber Herre und vater Marggrave
Fridrich seliger zwischen den obgenanten unsern brudern Marggrave Fridrichen
dem elteren und Marggrave Fridrichen dem Iungern gesatzt, getan und verschriben
hat, gantz abgetan sulle sein und furder, von in iren erben und erbnemen nicht für-
geczogen noch geprauchet sol werden, in kein weise, sunder es sol nu furder bey
der obgeschrieben saczung und ordenung bleyben, die wir dann zwischen den obge-
nanten unnsern brudern, iren erben und erbnemen in disem brive gesaczt, beteydingt
und verschriben haben, on alles geverd. Und des alles wie obengeschrieben steet und
begriffen ist, zu einem waren urkunde, haben wir obgenanten Marg Grave Johans
und Marg Grave Albrecht als teydingsleute unnser Insiegele wissentlichen an disen
brive hencken lassen. Geben zu Mulhausen, nach Cristi gepurt viertzehenhundert
jare, und darnach im sybenundvierczigisten jare, am sonnabend nach des heyli-
gen creucztage erhöhung.
(Or.-Perg. mit zwei anhäng. Siegeln im Kgl. Hausarchiv zu Berlin. Abgedruckt bei Gundlinga.n. O.
Anl. NN. Desgl. in Oelrichs Beiträgen 8. 133 ff.)
VII.
Theilung, Ordnung, Satzung, Vertrag, Einigung d. d. Köln an der Spree
am Tage St. Matthiä (24. Februar) 1473.
(Aus dem königlichen Hausarchive.)
Wir Albrecht von gots gnaden, Marggrave zu Branndemburg, des heiligen
Romischen Reichs Ertzcamrer und Curfurste, zu Stettin, Pomern der Cassuben
und Wenden Hertzoge, Burggrave zu Nuremberg und Furste zu Rügen etc.
Bekennen und thun kunt offennlich mit diesem brive vor allermeniglich die in
sehen, oder horen lesen, Seyemaln Wir durch die gnad nnd zugabe des almechti-
gen gots, zu der wirde und höhe des Curfurstenthumbs der Marck zu Brandem-
burg, und auch zu denselben, und andern unnsern Lannden und Herschafften,
die wir haben, kommen sind bey den sich unnser lieb Brüder, und wir, seint
unnsers lieben Herrn und vaters seliger und loblicher Gedechtnies tode, als löb-
lich Curfursten und Fursten des heiligen reichs bey und neben einander in
solcher brüderlicher treu, lieb und eynigkeit dermaß gehalten haben, das die-
selben unnser Curfurstenthumb, Lannd und Leute mit der hilff gotes, und auch
durch solchs in erber fürstenlicher regirung und gutem wesen mit merung und
