75 I. Haupttheilungsvergleich zwischen Kurf. Ernst u. Herz. Albrecht u.s.w. 75
die mit Rat wissen vnd beywessen, vnsers lieben bruders vnd vnser Prelaten
Grauen hern, Trefflichen Rete vnnd Ritterschafft in Merclichin Zcal darzcu ge-
zcogen vnnde gebraucht vfis allir bruderlichst, fruntlichst, gleichst, vffrichtigst
vod vnuordechtlichst begriffen gemacht besloßen vnd geoffint haben, oflenn auch
die geinwerticlich In massen hernach volget,
Z/cum Ersten Sollin wir beide Sagan prebuß, Numburg vnd was darzcu
gehort, vnd wuran das ist nichts außgeslossen, vnd alle anwartung so wir beide
von keiserlichen vnd koniglichen vorschreibungen an des weisen herzcogen Lan-
den, vnd des von biberstein herschaft An Sora Beßkew vnd Storkaw mit einan-
dir eintrechtiglichin habin, das eintrechtiglich bestellen vnd halden das sempt-
lichin gebrauchen gnißen vnd entgelden Wie sich denn das begebin vnd fugen
mucht, .
Zcum Andern Sollen Wir beide den Sneeperg Mit dem Newstetil vnnd alte
gebirge die an dem Snecperg, dem Newstetil vnd Dorumb in einer Meil wegis
gelegen vnd begriffen sein, Die iezt mit baw begriffen angefangen sind, hinfur
begriffen vnd zcu bawen angefangen mogen werden, mit aller bestellung, Mit
allen nutz vnd versorgung zu gleich in eintrechtigem Weßen haben vnd halten,
Also das In solchem einer an den andern, odir des andern gantze gewalt vnd
macht, nichts vor andern nach nawes machen soll,
Zcum dritten So sollen Wir beide die furstliche nutzung von den Bergck-
wercken in beiden teiln vnser furstenthumen vnd Landen wu die izt sein vnd
sich hinfur begeben erheben, vnd erregt mogen werden, zcugleich haben, auff
alle Metall, Außgeslossen das Eysenertz vnd wag gelt Zcoll vnd gleit Ap vfl
solchen bergwercken wern gesezt ader geordent wurden, wu die wern adir zcu-
künfftiglich aufkemen Was daruon gefiele Soll vnser eynem In des furstenthum
vnd landen das sein wurde, allein zcustehin vnnd pleiben, Es sal auch vnser
iglicher die selbigenn bergwerck in seinen Landen allein zcuuor leihen zcu orden
vnd zcu setzen haben Wie Im das am bequemsten vnnde gefellichsten sein wurde,
Darein sal Im von dem andern kein Inhalt vnd Irrung gescheen, Sund irn zcum
wenigsten des Jars eins von den Berckwercken die In vnser eins lande vnd re-
girung allein sein, Der nutzung halbin ordeliche rechnung gehort, vnd was sich
nach redlichir rechnung an nutzung finden, das soll iglichem teil zcu seinem
geburlichen teil vbirgeantwort werden allis trewlich vnd vngeuerlich. Sust sind
die andern Land so vns beiden zcugleich zcustehin ein iglichs mit seiner zeuge-
hörung In zcwey teil gesezt als hernach volgt, Nemlich Meissen mit Lainmatzsch
vnd allen andern seinen zcu vnnd Ingehörungen, Dreßden mit allir seiner zcu
vnd eingehorung, Pirna mit Donyn Rathen vnd mit den konigsteinischen gutirn
mit allen seinen vnd iren zcu vnd eingehorungen honstein, Radberg, Sentfitem-
berg Finsterwalde, Ortrant, Hayn, Oschatz, Dobelin, Rochlitz, Geitan, Mitweide,
Rochsperg, kempnitz Schellinberg Odran, Zschapaw Wulkenstein, Irnfriedestorff,
Geyer, Thum, Freiberg frawenstein, Dippoldißwalde, Tarant, Leiptzck Pegaw,
Delitzsch, Zcorbeck, Wissennels, Freiburgek mit Muchil, Jhene, Dornburg, Cam-
burg Eckersperg, Luchaw Sangirhusen, Grellinberg mit Ritstet, die Voitey zcu
Qvedlinburg mit dem Anfall, So vnser liebe Swestir die Eptischin zcu Qved-
