80 I. Haupttheilungsvergleich zwischen Kurf. Ernst 80
von Witzleubin vnd andern mehr schuldig sein nach laut einer Verzceichnung
so darubir verhanden ist Auch Zeesar pflugk vnd seinen Brudern, nach laut
irer Verschreibung So die gnanten pfluge von vns darumb haben, Vnnde alle
ander schult die wir ytzt nicht wissen vnd sich hernachmals finden wurden, die
von vnserm lieben hern vater vnd von Herzcog Wilhelm vnserm lieben Vettern,
Zeligs gedechtnus herkommen vnd wir zcu bezcalen schuldig sein, Vnd philips
Vitzthum vnd den andern Vitztumen Ir Jargelt nach laut des Vertrags vnd ver-
schreibung So sie von Herzcog Wilhelm zeliger vnserm vettirn daruber Inneha-
bin Auch Hern Benisch von der Weitmull des Jars hundirt gulden zcu seinen
lebetagen, Vnd doctor Pfeffir auch hundirt gulden Dinst gelts so lang Vns das
gefellig ist, Auch die Anfordrung von Herzcog Hincken vnserm Swagir von sei-
ner lieb gemahil Erbfall vnd ehegeldis wegen, Vnd die Ansprach vmb Donyn,
vnd alle ander Zcuspruche vnd schulde, die sich wie vor berurt finden mochten,
Die wir beide schuldig sein, beide semptlich yeder die helfft daran auß richten
vnd bezcalen Vnd die Anfordrung zcugleich tragen vnd verfechten,
Vnd als vnser liebe fraw Muter yr leipgeding den Merern teil, auff dem
Wymarischen teil hat deßhalb vnser einer dem derselbig teil wirt die Nutzung
vnd gult von demselben teil, Dieweil yr lieb am lebin ist, darben muß So sal
unser einer adir sein Erben der den Meisnischen teil habin wirt, seinem bruder
adir seinen Erben zcu seinem teil gein Doringen zcu erstatung derselbigen nu-
tzung von Irer lieb Leipgeding ye des Jars Tausent dreihundirt Drey vnd Dris-
sig schock Zewentzig groschen geben vnd zcu nutz bezcalen, alle dieweil vnser
liebe fraw Muter am leben sein wirt,
Vnd als wir beide yrer lieb bißher Jerlich sechzcehen fuder Wein Acht
Dreßnisch vnd Mißnisch vnd Acht fuder Sal Wein gegebin haben Vnd den hin-
fur zu irer lieb lebtagen zcu gebin schuldig sein Sall vnser einer der den teil
zcu Meissen behelt yrer lieb die acht fuder von Dreßden vnd Meissen gebin, vnd
der andir der den Wymarischen teil behelt, irer lieb die acht fudir Salwein ge-
bin, Wenn aber Ire lieb mit tode abegehin, Alsdann sal vnser einer der den
Meißnischin teil Inne hat sulche Summa geldis vnd Acht fuder Weins weg zcu-
gebin entladen sein Des gleich sal der ander der den Wymarischen teil ynne
hat, der acht fuder Salwein zcugebin auch vbrig sein,
Vnd vnser einer der den Meisnischen teil habin wirdet Sal vnser lieben
Swestir von Beyrn mit alle dem das irer lieb von vns beiden verschrieben ist
nach laut irer lieb verschreibung an allen abgang gnuglichin versorgen,
Es sal auch vnser eyner aufi dem Meisnischen teil Dem andern seinem
bruder adir seinen Erben kein Doringen alle Jar dieweil die Herzcogin zcu Do-
ringen lebt hundirt vnd funfitzig rinische gulden gebin, yr leipgeding damit
helffen zcuuör gnugen, Nachdem dasselb leipgeding bessir denn vnser lieben swe-
stir von Beyrn ist,
So abir die Hertzogin von Doringen mit tode abegehen wurd So solt vn-
ser eyner der Weymar mit seinem zcugeslagen teil habin dem andern seinem
bruder adir seinen Erben vnser lieben swestir von Beyrn gleich die helfft helffen
versorgen, Wu aber vnser liebe swestir von Beyrn ehr denn die Herzcogin zcu
