83 und Herzog Albrecht zu Sachsen, errichtet im Jahr 1485. 83
vnd volgen vngehindert, zcu behalden zcu besitzen vnd zcu gebruchen, Doch
also, das Derselbe vnser lieber bruder wir vnd vnser beider Menlich elichen
leibes erben Vnd desgleichen derselben Erben fur und fur an abgang vff ewikeit
mit allen vnsern furstenthumen Landen Leuten vnd Zcugehorungen In gesampten
lehin Erpschuldung Erbeynungen Hulfti Rat bruderlichem fruntlichem vnd getrew-
lichem bystande vnzcutrennet mit einander sitzen sein vnd pleiben, Das auch
erstlich mit nottorfftigen Verschreibungen versorgen befestenen vnd als ofit des
furder in Zceukunfit not wirt ernawen sullen Domit das Vnuergenglich in wesen
pleibe, Also bescheidenlich Ap geschee das vnser eyner an elich Menlich liebes
erben, Ader dieselbin so er die liesse furd an Menlich elich leibes erben abgin-
gen, das got Durch sein gnade nicht verhenge, Das Alßdann des adir derselbin
an Menlich elich libes erben abgegangen gehabt vnd gelaßen furstenthum Lande
vnd Leute An vnd vff den andern adir sein Menlich elich leibes erben Die Zeit
noch am lebin Zcu stund an Mittel vnd an allen Intrag Inzcunemen kommen
Vnnd gefallen sullen Darnach furd als das yre Inne zcu haben zcu besitzen zcu
behalden zcu gnyßen vnd zcu gebruchen an alles geuerde, Nachdem auch vnser
lieber bruder vnd wir gemeltir vnser beider furstentum Lande vnnd Leute bißher
in gleichir Huldung gesessen sindt, So Setzen Vnd ordenn wir Alspald der gnant
Vnser lieber bruder sein Wale vndir den Zcweien gemachten teiln getan vnd ge-
offinbart hat, Dadurch vnser iglichir ein wißen seins teils ym zustehinde gewy-
net, So sall vnser iglichir alle die Ihenen die dem andern In seinen teil gefal-
len, aller eyde glübde vnnd pflicht ym vorwant geweest, Muntlich adir schrifft-
lich ledig vnd los sagen, Vnd die an den andern weisen, demselben vnd seinen
Menlichen elichen leibes erben gewonliche vnd pflichtige Huldung zcu thun sich
furd an den und dieselben zcu halden Vnd den als yren rechten gnedigen Erb-
hern vnd Lands fursten getraw vnd gehorsam zu sein als sich geburt, Doch vn-
schedelich vnd vnuorgreifienlich vnser aller wie obgerurt vorbehaldener vnd auß-
gedruckter erbhuldung, dar Inn wir vff ewikeit miteinandir sullen vnd wullen
sitzende pleiben vnuerruckt getreulich vnd on allis geuerde, /cu Orkunde habin
wir solche teilung mit einer durchgezcogen snure vnd vnserm angehangen Insigil
auch hinden angedrucktem Secret versigelt, Gegebin zcu L«iptzck vff fritag nach
Bartolomei apostoli Anno domini millesimo quadringentesimo, Octuagesimo quinto.
1.
Naumburgischer Vertrag zwischen August Kurfürsten zu Sachsen, und
Juhann Friedrich den Aelteren und Konsorten, allerseits Herzögen zu
Sachsen, wegen der Chur und aller Irrungen, de Anno 1554.
(Aus Glafey’s Kern der sächsischen Geschichte Beil. 5.)
VOn GOttes Gnaden, Wir Augustus, Hertzog zu Sachsen, des Heil. Römis.
Reichs Ertz-Marschall und Chur-Fürst, Landgraf in Thüringen, Marckgraf zu
6*
