423
11.
Zweiter Vertrag über die Erbfolge, insbesondere über die Individual-
succession vom 23. Juni 1355.
(Sudendorf Il. S. 273 275.)
Van goddes gnaden. We Her Wilhelm. Hertoghe to Brunsw. vnde to Lune-
borch. bekennct openbare. vppe dat we Vrede. vnde rowe maken. vsen. vndersaten.
in vser Herschop. vnde se bi endracht vnde bi eren be holden na vseme dode.
Dat We Junkheren Lodewighe. vses leuen Vedderen. Sone Hertoghen. Magnus van
Brunsw. laten willet vse Herschop to Luneborch. vnde dat we hebbet au der Her-
schop to Brunsw. mid floten. mid Landen. vnde mid Luden. Mit Manschop. ouer
Greuen. Vryen. eddele Lude. Riddere. vnde knechte. Borghere vnde Bur. vn mid
alledeme dat dar to hord vor leghen. vnde vn vorleghen. gestlik vnde Werltlik.
also vs de Herschop. an. ghe eruet Sin. vü also alse we se beseten. hebbet. Vnde
willet cne setten. an de Herschop. So we Vastest moghen. alse vsen Rechten eruen.
vnde ene dar mede be lenen. also dat he. de Herschop hebben. schal. Vnde vse
ınan. Papen. vnde Leyen. Borghere vn bur schollet ene vor eren rechten heren
holden vnde hebben. na vseme dode vnde er nicht. aldus beschedeliken ift We
steruet ane kind edder kindere de vse rechten. eruen moghen wesen. Vnde vse
vor benomede veddere Hertoghe. Magnus Schal Sinen söne den suluen Junkheren
Lodewighe ok setten bi Sineme leuende vnde ane voretoch an de Herschop to
Brunsw. vu an alle dat. dat dar to hord dat vse veddere Hertoghe Magnus heft
also dat Junkbere Iiodewich na vses vedderen dode Sines vaderes de Herschop. to
Brunsw. vnde na vseme dode de Herschop to Luneborch to samene hebben schal
vnghedelet vnde schal der Twier Herschop. en recht here bliuen. Ane ienerleye
ansprake Siner Brodere. Were auer dat vs Rechte eruen worden. en Sone edder
mer de scholden vse Herschop to Luneborch alse eres rechten vaderes eruen behol-
den. vn Junkbere Lodewich nicht vnde de ansate vnde de be Leninkghe. vnde
lalinkghe vser herschop. de we deme suluen Junkheren Lodewighe dan hebbet
scholde den doet wesen vnde nenemacht hebben, Storue ok de sulue Junkhere
Lodewich er vs. vnde en hedde we nene rechte eruen. So wille We Siner Brodere
enen. vses vor benomeden Yedderen Söne wene we den vt keset setten. in vse
Herschop. vnde eme de laten na vseme dode. vnde den suluen Söne schal Vse ved-
dere Hertoghe Magnus ok seiten bi sineme leuende vnde ane voretoch an de Her-
schop to BrunsW. also dat he beyde Herschop to samene hebben vnde holden schal.
in allerleye wise alse Junkhere Lodewich Se hebben scholde ift he leuet hedde.
Worden vs auer rechte eruen, de scholden vse herschop be holden. Desse vorbe-
nomeden. stukke wille we don. vnde vaste vnde vnvorbroken holden dat hebbe we
ehe loued vnd louet in Truwen vseme leuen vedderen. Hertoghen Magnus van
Brunsw. vnde be tughet dat mid desseme breue dar vse ingheseghel. to hankghet.
Ouer dessen deghedinkghen. van vser weghene hebbet ghe wesen. Her Ludolf van.
Honhorst. Riddere. Mester Diderik. van. Dalemhorch vse schriuere. vnde diderik
