424
flette vse denere. de hebbet ere inghbeseghele mid vseme Ingheseghele to ener be
tughinkghe to desseme suluen breue henkghet. de is ghe gheuen. to Tzelle na God-
des bord. Dritteynhunderd iar in deme Vif vnde vifleghesten. iare indeme Hilghen
auende Sunte Johannis. Baptiste.
Van goddes gnaden. We Her Magnus Hertoghe to Brunsw. be kennet Open-
bare dat vse leue Veddere. Her Willehelm. IHertogbe to Brunsw. vnde to Lune-
borch. vınme rechte leue vnde. vruntschop. de he to vs vnde to der Herschop to
Brunswik heft. Wel Junkheren. Lodewigha vseme Sone laten Sine Herschop. to
Luneborch. vnde wat he heft an der Herschop to Brunsw. mid floten. vnde. mid
landen. vnde mid. Iuden Mid Manschop. ouer Greuen. Vryen. eddele lude Riddere
vnde knechte borghere. vnde bur. vnde mid alledeme dat dar to hord vor leghen.
vnde vn vorleghen. gestlik vnde Werltlik. also alse ene de Herschop. an ghe eruet
Sin vnde also alse he se be seten. heft vnde wel enc setten an de herschop. So he
Vastest mach. alse Sinen rechten eruen. vnde ene dar mede belenen. also dat he
de herscop hebben schal. Vnde Sine man. Papen. vnde leyen. Borghere vnde bur
schollet ene vor eren rechten. heren. holden vi hebben na vses vedderen dode
vnde er nicht. aldus be schedeliken. ift vse veddere her Wilhelm steruet ane kind
edder kindere. de Sine rechten cruen moghen wesen. Vnde we schollet vnde willet
vsen Sone den suluen Junkheren Lodewighe. ok setten bi vseme Leuende vnde ane
voretoch an vse Herschop, to Brunsw. vnde an alle dat dat dar to hord. dat we
hebbet. vnde dat vse is. also dat Junkhere Lodewich na vseme dode de Herschop
to Brunsw. vnde na vses vedderen dode de herschop. to Luneborch to Samenc heb-
ben. schal vnghedelet. vnde schal der Twier herschop. en recht here bliuen ane
ienerleye ansprake Siner brodere vser Söne Were auer dat vseme vorbenomeden
vedderen. rechte eruen. worden. en Sone edder ıner de scholden de herschop to
Luneborch alse eres rechten vaderes erue be holden vnde hebben. vnde vse Sone
Junkhere Lodewich nicht. Vnde de an sate vnde de be Leninkghe vnde latinkghe
Siner herschop. de he deme Suluen. Junkheren Lodewighe dan hedde de scholden
den doed wesen vnde nene macht hebben. Storue ok vse Sone Lodewich. er wan
vse veddere vnde en hedde vse veddere nene rechte eruen So wel he Siner bro-
dere enen. vser Söne wene he den. vt kust setten in Sine voresprokenen herschope
vnde eme de laten. na Sineme dode. vü den suluen vsen Sone Scholle we vnde wil-
let ok setten bi vseme leuende ane voretoch, an vse berschop to Brunsw. also dat
he beyde herschop. to Samene hebben vnde holden schal. in allerye wise alse vse
Söne Lodewich Se hebben scholde ift he leued hedde. Worden. auer vseme vedde-
ren rechte eruen de scholden Sine herschop. be holden. Desse vorbenomeden stukke
wille we don. vnde vaste vnde vnvorbroken. holden dat hebbe we glhe loued. vnde
loued in Truwen. vseme leuen vedderen. Hern. Wilhelme. Hertoghen. to BrunsW.
vnde to Luneborch. vnde betughet dat mid desseme breue dar vse ingheseghel to
hankghet. Ouer dessen. deghedinkghen van vser weghene Sin ghe wesen. Hannes
van Honloghe knecht. Tyle van deme damme. Cord eleres vse Borghere To. Brunsw.
de hebbet ere ingheseghele mid vseme ingheseghele to ener be Tughinkghe. to
