560 VI. Das Königshaus. 1. Die wichtigsten Hausgesetze.
a. Constitutio Achillea vom 24. Februar 1473.
die wir itzund haben, und hirnach überkomen würden, auch Ir aller und Ir
yedes erben vestiglich und unverrückt gehalten werde, on Irrung oder eintrege.
So mechtigen Wir Marggrave Albrecht obgenanter und wir Anna sein eliche
gemahel Marggrefin zu Branndemburg, zu Stettin, Pomern, der Cassuben und
Wenden Herczogin, Burggrefin zu Nuremberg und Fürstin zu Rügenn. Und
wir Johanns und Fridrich, von denselben gnaden gotes, Marggraven zu
Branndemburg, zu Stettin, Pomern, der Cassuben und Wenden Herczogen,
Burggraven zu Nuremberg und fürsten zu Rügen, Ire Söne uns alle semptlich
miteinander, der anndern unnser czweyer Söne und Brüder, Marggrave Sig-
munds und Marggrave Jörgen, und auch der andern unnser kinder, und ge-
swistret die wir itzund haben, und durch die gnad und gabe des almechtigen
noch überkumen würden, bereden und versprechn auch für dieselben unnser
kindere und geswistret alle in IJrem namen und von Iren wegen mit zeitigem
rate und vollbedechtlich in krafft ditz briefs. So geredn, globen und versprechen
wir obgenannte Johanns und Fridrich gebrüdere für uns selbst, und unnsere
erben, bey unnsern fürstenlichen wirden, eren und treue an eins rechten gesworn
eides stat, solch teilung, ordnung, satzung, vertracht und eynung wie hievor ge-
schriben stet, in allen Iren stücken, punckten, artickeln und Innhaltungen, stete
veste und unverbröchenlich zuhalten, zuvolcziehen, und mit dheinen sachen,
handlungen oder teten, wie die hemants erdacht oder erfunden hett oder hirnach
ymmer erdencken oder erfinden könt oder möcht, dawider nymermer zu sein,
oder zu thun oder schicken getan werden, noch das hemants von unnsern wegen
zuthun bevelhen, verhengen oder gestatten, weder mit recht noch on recht geist-
licher oder werntlicher Richter oder gericht, in kein weis. Und ob hemants
dowider sein oder thun wölt, dagegen getreulich und ernstlich beyeinander zu-
halten, mit lannden, leuten und allem unserm vermögen sunder alle arglist,
und genntzlich on alles geverde. Und des zu warem offenen urkunde steter
haldung und bekrefftigung alles obgeschrieben, so haben Wir obgenante Marg-
grave Albrecht Curfürste Anna sein eliche gemahel, Johanns und Fridrich, Ir
Söne, für uns, alle unser erben und nachkomen, unnser igliches sein Innsigel
an disen brive lassen hencken. Gescheen und geben zu Colne an der Sprew
am Mittwoch sand Mathias des heiligen Zwelffboten tag, nach Cristi unnsers
Lieben herrn geburt, vierczehenhundert und dornach in dem drey und Sibent-
zigisten Jarenn.
Kaiserliche Bestätigung der Achillea. Augsburg, Montag vor HKimmel-
fahrt (24. Matl) 1478.
(v. Schulze Die Hausgesetze Bd. 3 S. 689, besonderer Abdruck S. 155. Das Original in
Pergament mit anhängenden Siegeln befindet sich im Königlichen Hausarchiv.)
Wir Friderich von gottes gnaden romischer keyser zu allen czeiten Merer
des reichs, zu Hungern, Dalmacien, Croacien 2c. kunig, Herczog zu Osterrich,
zu Steyr, zu Kernnden und zu Krain, herre auff der Windischen march und
zu Portenaw, grafe zu Habspurg, zu Tyrol, zu Phyrt, und zu Kyburg,
Marggrave zu Burgaw und Lantgrave im Elsaß. Bekennen und tun kunt
offenlich mit dem briefe, allen den die in sehen oder horen lesen. Wiewol
wir von Romischer keyserlicher wirdikeit, darein uns dan der allmechtig got
durch sein gotliche guttikeit gesaczt hat alczeit geneigt sein, allen unsern und
