562 VI. Das Königshaus. 1. Die wichtigsten Hausgesetze.
a. Constitutio Achillea vom 24. Februar 1473.
begriffen sein solten, und sol ine solhs an irer versamelten hand, so offt es
zu schulden kompt undschedlich sein, und keinen unstatten bringn, sonndern sy
und ir menlich erben des geslechts, sullen fur und fur nichtzdestmunder mit
eynander gesamelt sein, die nuessen, haben, und wo es zu schulden oder fellen
kumbt der fehig sein und gebrauchn, nach laut der verschreibung und saczung,
die zwuschen ir gemachdt sindt oder hinfur gemacht werden; auch bestettigen,
bevestigen und confirmirn wir solhs alles und yeglichs von Romischer keyser—
licher macht, volkomenheit, fur uns und unser nachkomen am Reich wissentlich
in crafft diß briefs, ercleren, urteiln, seczen und wellen auch von volkomenheit
keyserlichs gewalts, daz die mit allem irem innhalt, puncten und artickeln wie
obgemelt ist, crafft und macht haben sollen, von allermeniclich ungehindert
und wiederruffen, auß rechter wissen, alles das, das dawider von uns, unsern
vorfarn und nachkomen am Reiche gegeben were, oder wurde, dan dasselb alles
und yedes ob es gegeben were oder wurde, erclern wir heczo alsdan und dan
als yeczo mit zeitigem rate der vorangeczeigten, und vollkomenheit keyserlichen
gewalts, in crafft diß briefs, crafftloß und unpundig. und gebieten darumb
allen und yeglichen Curfursten, Fursten, geistlichen, weltlichen, grafen, freyen,
herrn, rittern, knechten, haubtleuten, vogten, viczthumben, pflegern, verwesern,
amptleuten, burgermaistern, richtern, reten, burgern und gemeinden, und sunst
allen andern unsern und des Reichs undertanen und getreuen, die yeczuczeittn
sind, in was würden adel standes oder wesens die sein ernnstlich und vesticlich,
daz Sy die obgenantn unser oheimen, Curfursten und Fursten, die Marggraven
und ir obgemelt erben an solichem allem und heglichem wie obbegriffen ist,
nicht hindern, oder irren in keinweise, sonnder sy dabey getreulich und vesticlich
hanthaben, schüczen, schirmen und bleiben lassen, bey tausend pfund lotigs goldes,
unableßlicher pene halb in unser und unser nachkomen keyserlich camer, und
halb den obgenanten unsern oheimen den Marggraven und iren obgemelten
erben zu beczalen, so offt das überfarn wurde, und darczu bey vermeydung
unser und unser nachkomen sweren ungnade und straffe und nichtsdestmynder,
sol dannoch dis unser bestettigung und versamelung und was hievor begriffen
ist, genczlich in crefften bleiben. Mit Urkund dieß briefs besigelt, mit unsem
keyserlichen Maiestat anhangendem Insigel, geben zu Augspurg am Montag vor
dem heiligen Auffarttag nach Cristi geburde, Vierczehenhundert und im Dreu-
undsibenczigistn unser Reiche, des Romischen im Vierunddreissigstn, des keyser-
Jamis im Zweiundczwainczigistn, und des Hungrischen, im Funffczehenden
aren.
