I.  Europa.  631  35.  Großbritannien  und  Irland.

ipsius  defuncti  qui  fuerint  infra  etatem  remanserint,  provideantur  eis  necessaria  secundum
  tenementum,  quod  fuerit  defuncti,  et  de  residuo  solvatur  debitum,  salvo  servitio
dominorum.  Simili  modo  fiat  de  debitis,  quae  debentur  aliis  quam  Judeis.

Nullum  scutagium  vel  auxilium  ponatur  in  regno  nostro,  nisi  per  commune
consilium  regni  nostri,  nisi  ad  corpus  nostrum  redimendum  et  primogenitum  filium
nostrum  militem  faciendum,  et  ad  filiam  nostram  primogenitam  semel  maritandam,
et  ad  haec  non  fiat,  nisi  rationabile  auxilium.  Simili  modo  fiat  de  auxiliis  de  civitate
Londonensi.  Et  civitas  Londonensis  habeat  omnes  antiquas  libertates  et  liberas
consuetudines  suas  tam  per  terras,  quam  per  aquas.

Preterea  volumus  et  concedimus,  quod  omnes  alie  civitates  et  burgi  et  ville  et
Portus  habeant  omnes  libertates  et  liberas  consuetudines  suas.

Et  ad  habendum  commune  consilium  regni  de  auxilio  assidendo  aliter,  quam
in  tribus  casibus  praedictis,  vel  de  scutagio  assidendo,  submoneri  faciemus  Archiepiscopos,
  Episcopos,  Abbates,  Comites  et  majores  barones  singillatim  per  litteras
nostras.  Et  preterea  faciemus  submoneri  in  generali  per  vicecomites  et  ballivos  nostros
omnes  illos  qui  de  nobis  tenent  in  capite  ad  certum  diem,  scilicet  ad  terminum  quadraginta
  dierum  ad  minus,  et  ad  certum  locum,  et  in  omnibus  litteris  illius  submonitionis
causam  submonitionis  exprimemus,  et  sic  facta  submonitione,  negotium  ad  diem
assignatum  procedat,  secundum  consilium  illorum,  qui  presentes  fuerint,  quamvis  non
omnes  submoniti  venerint.

Nos  non  concedemus  de  cetero  alicui,  quod  capiat  auxilium  de  liberis  hominibus
suis,  nisi  ad  corpus  suum  redimendum  et  ad  faciendum  primogenitum  filium  suum
militem,  et  ad  primogenitum  filiam  suam  semel  maritandam,  et  ad  haec  non  fiat,  nisi
rationabile  auxilium.

Nullus  distringatur  ad  faciendum  majus  servitium  de  feodo  militis  nec  de  alio
libero  tenemento,  quam  inde  debetur.

Communia  placita  non  sequantur  curiam  nostram  ;  sed  teneantur  in  aliquo
certo  loco.  Recpgnitiones  de  nova  dissaisina,  de  morte  antecessoris,  et  de  ultima  presentatione
  non  capiantur,  nisi  in  suis  comitatibus,  et  hoc  modo:  Nos,  vel  si  extra  regnum
fuerimus,  capitalis  Justitierius  noster,  mittemus  duos  Justitiarios  per  unumquemque
comitatum  per  quatuor  vicesin  anno,  qui  cum  quatuor  militibus  cujuslibet  comitatus
electis  per  comitatum  capiant  in  comitatu  et  in  die  et  loco  comitatus  assisas
predictas.  Et  si  in  die  comitatus  assise  praedicte  capi  non  possint,  tot  milites
et  liberi  tenentes  remaneant  de  illis,  qui  interfuerint  comitatui  die  illo,  per  quos
possint  sufficienter  Judicia  fieri,  secundum  quod  negotium  fuerit  majus  vel  minus.

Liber  homo  non  amercietur  pro  parvo  delicto,  nisi  secundum  modum  delicti,  et
pro  magno  delicto  amercietur  secundum  magnitudinem  delicti,  salvo  contenemento  suo,
et  mercator  eodem  modo,  salva  mercandissa  sua,  et  villanus  eodem  modo  amercietur
salvo  waignagio  suo,  si  inciderit  in  misericordiam  nostram,  et  nulla  predictarum
misericordiarum  ponatur  nisi  per  sacramentum  proborum  hominum  de  visneto.

Comites  et  barones  non  amercientur  nisi  per  pares  suos,  et  non,  nisi  secundum
modum  delicti.