10

15

25

Den  vesten,  erbarn,  fursichtigen  und  weysen  hern  stetmaister
und  rate  der  stat  Schwäbischen  Halle,  meinen  gunstigen  gepietenden
  lieben  herren.

Vest,  erbar,  fursichtig  und  weys  herren!  Ewern  erbarn  weishaiten
  seyen  mein  schuldig,  ganz  unvertrossen,  willig  dienst  stets
vleiszberait  zuvor.  Gunstig,  gebietend  lieb  herren!  Nachdem  ich
gute  zeit  here  von  etlichen  vilen  ausser’)  ewer  erbarn  weishait,
meinen  gunstigen  hern  des  rats,  wie  sie  gern  das  die  geschichten
jungstverruckter  beurischer  aufruren  nach  ordnung  zusamen  in  ain
buchlin  gebracht  und  beschriben  wurden,  sehen  wolten,  mermalen
verstanden  und  darneben  auch,  das  dannocht  soliche  wunderbarliche
und  hievor  unerhorte  geschichten  (deren  doch  in  so  kurzen  jaren  bisz
uff  heut,  wie  seltzam  geschwynd  und  hievor  unerhorlich  die  gewest,
schier  gar  vergessen  und  erloschen  worden  sein)  zu  beschreiben  und
kunftigen  unsern  nachkomen  zu  gedechtnus  eingeregistriert  zu  behalten
  nit  clain  nutzlich  und  sonders  erschieszlich  sein  bedacht,  habe
ich  dieselben  ergangen  geschichten  und  kriegsubungen,  sovil  sich  in
euer  erbar  weyshait  stat  und  zum  tayle  auch  anderswa  eraugt,  und
ich  deren  in  ewer  erbar  weishait  schreiberey,  darinn  ich  zur  selben
zeit  in  diensten,  wie  ich  dann  noch  bin,  als  derihenig,  so  des  merer
tayls  selbs  personlich  darumb,  bey  und  mit  gewest,  auch  ains  tails
von  meinen  herren  des  rats  und  sunst  erfaren,  erkundigt,  gesehen,
glaublichen  gehort  und  in  schriften  vernomen  han,  nit  aus  meinem
selbs  kopf  erdicht,  sonder  wie  die  alle  an  inen  selbst  warhaftigelich
ergangen  und  geschehen  sein,  ewren  erbarn  weyshaiten  und  dero
nachkomen  zu  sonderm  dienstlichen  gefallen  zu  beschreiben,  ain  wenig
in  ain  ordnung  einzuregistriern  und  ewer  erbare  weyshait  damit
zu  vereren  nit  underlassen,  ganz.  underdienstlichs  vleisz  bitende,  sie
wollen  das  also  von  mir  als  irem  armen  diener  one  verschmecht  zu
gut  auf-  und  annemen  und  mich  darbey  furthin,  als  bishere,  in
gunstigem,  gutwilligem  bevelich  [2]  und  furderung  haben,  dann

1)  Aus  der  Milte.