286  Herman  Hoffman

rurischen  bauren  zu  ziehen  getrungen  und  gefangen,  auch  die  sachen
nit  verstanden  heten,  liesz  inen  ain  erbar  rate  sagen,  das  sie  sich
pillich  basz  bedacht  und  nit  dermassen  uber  ir  zusagen  und  ains
erbarn  rats  trostlich  erpieten,  so  leychtlich,  als  zu  vermuten,  mit
aim  alten  besem  beschehen  [17]  fahen  lassen,  noch  vil  weniger
darein  bewilligt  oder  aim  rate  die  seinen  heten  helfen  angreyfen,
mitzuziehen,  zu  trenngen,  der  hailigen  gelt  aus  iren  kirchen,  deren
schirmer  sie  weren,  und  die  buchsen  uff  den  lantheusern!)  und
andern  iren  verwanten  das  ir  zu  nemen;  dann  inen  ain  erbarer
rate  zu  guts  darzu  gethon,  in  allem  irem  anligen  sie  vleyssig  gehort,
guten  beschaid  und  underrichtung  geben,  sich  mit  schwerem,  täglichen
  costen,  auch  sunst  in  sondern  kriegsloufen  mit  darstreckung
irer  selbs  leybe  und  gut  sie  vor  schaden  zu  verhuten  und  trewlich
zu  beschutzen,  kain  mue  noch  vleys  betauren  liesz,  in  teurung  mittaylten
  und  alles  das  theten,  so  ainer  sorgveltigen  oberkait  irs  verstands
  zu  thon  geburen  moclıte;  darumb  sie  dieser  mutwilligen,  bosen
handlung  vil  dester  pillicher  von  inen  uberig  und  vertragen  weren
und  solten  haimgeen,  irer  arbayt,  weybe  und  kinder  warten  und  dergleichen
  nymmer  understeen,  sonder  thon,  das  sie  schuldig  weren.
Dann  sie  wol  wiszten,  das  sie  mit  solicher  irer  handlung  wider  Got
den  almechtigen  und  ire  oberkaiten  schwerlichen  gehandelt,  auch
deshalb  in  ungnade  Gots  und  schwere  strafe  kayserlicher  recht  und
ander  peen  gefallen,  das  sie  pillich  bedenken  und  hinfuro  vor  solichen
und  andren  ubeln  sein  solten.

Es  kamen  auch  die,  so  von  den  bauren  beschedigt  und  das
ir  genommen,  pfaffen  und  andere  personen,  warde  geordnet,  denselben
  das  ir  wider  zu  antworten,  und  gabe  ain  erbarer  rate  zu
erstattung  desselben  gelt  darfur  an  die  bewt,  das  iedem  burger  drey
schilling  wurden,  und  den  freınbden  hantwerksknechten,  so  nit  burger
waren,  aim  vier  schilling  zu  solde,  das  sie  hinauszogen.  Das  warde
inen  hinausgesteckt  durch  [18]  der  hantwerker  hauptleut,  ee  sie
anzogen.  Man  liesz  und  gabe  inen  aber  bewt  auch  darzu,  wie  aim
burger  durchaus,

Nach  solichem  was  ain  gemaine  rede,  wie  das  etliche  und  die
furnembsten  von  den  verjagten  fluchtigen  bawren,  ja  ire  hauptleut
selbs  und  andere  sich  zu  den  haufen,  so  mitlerweyle  zu  Oringen  in
Hohenlohischer  graveschaft,  dergleichen  den  in  Rotemburgischer  lantwer
  und  zu  Schontal  lagen,  theten  und  die  von  Halle  verclagten,  sie,
die  haufen,  zu  bewegen,  uber  die  stat  Halle  zu  ziehen.

')  Landtürme,  Warltürme  an  der  Heeg.

10

15

25