10

15

20

Bauernkrieg.  987

In  dem  als  niemant  wiszt,  wem  zu  vertrauen,  damit  man  nun
dest  bas,  wo  von  noten,  in  der  stat  versehen  were,  und  sich  die  hantwerksgesellen
  nit  hinweg  theten,  gabe  man  ir  etlichen,  so  rechtgeschaffen
  gesellen  waren,  ainem  der  wochen  ain  ort!)  ains  guldins,
auch  mynder  und  mer,  zu  wartgelt.  Da  maszten  sich  etlich  vil  mer
ander  an,  als  ob  sie  nit  pleiben  und  hinweg  ziehen  wolten,  damit
sie  auch  wartgelt  heraus  prachten,  so  inen  allen  etliche  wochen
geben  warde,  aber  das  geschraye,  wie  die  bauren  Halle  ie  uberziehen
wolten,  so  grosz,  das  sie  sich  am  wartgelt  nit  benugen  liessen,  sonder
monatsolde  vorderten,  der  inen  von  wochen  zu  wochen  geben  warde.

Es  pracht  auch  Hanns  Seuter,  der  soldner,  in  den  schweresten,
sorglichsten  laufden  etliche  knecht  von  Ulme  herabe.

Etliche  andere  prachten  knecht  von  Nordlingen  und  Dinkelspuhel,
  das  also  ain  knecht  bis  in  drithalbhundert  zu  Halle  bey
ainander  in  besatzung  lagen.

Under  disen  kamen  etliche  burgerssone  wart-  [19]  geltz  und
besoldunge  begerende,  warde  inen  (dweyle  sie  burger  und  fur  sie
selbs  ir  vaterlande  zu  beschirmen  schuldig  weren,  und  das  es  auch
ain  merklichen  einpruche,  das  ain  ieder  ander  burger  und  burgerssone
  solde  haben  wolt,  machen  wurde)  mit  guten  worten  abgelaynt,
und  ir  aim,  so  entgegen  waren,  ain  batz  zu  vertrinken  geschenkt,
aber  etliche  under  inen  theten  sich  hinaus  zun  bauren,  die  am
widerkeren  sampt  andern  ir  strafe  darumb  namen.

Und  wurden  die  besoldten  frembden  knecht  gerottiert  und  ie
zehen  oder  acht  nach  gestalt  der  sachen  in  ain  haus  gelosiert,  und
hett  iede  rott  iren  sondern  rottmaister,  dem  gabe  man  beschayde
mit  den  seinen  die  thore,  etwan  die  wach  und  was  not  war  zu
versehen.

Under  disen  knechten  heten  auch  etlich  schreyer  gern  monatsolde
  bezalung  gehabt  und  nit  von  wochen  zu  wochen,  wolten  auch
den  aide,  so  man  inen  zu  schweren  verlas,  nit  thon,  man  gebe  inen
dann  auch  ain  abzuggelt,  und  tryben  andere  mer  wort,  so  man
furgeen  liesz  und  sich  dero  nit  aller  zu  verantworten  anname,  dann
man  sunst  nymer  mit  inen  gerecht  het  mogen  werden.

Item  man  liesz  gut  kolben  mit  vier  eysenspitzzinken  und  ryngen
beschlagen,  nachts  uff  die  mawer  zum  sturm  und  so  not  auch  sunst
zu  haben.  Dieselben  kolben  trugen  etwan  des  tags  ain  male  oder
zwaye,  so  oft  not,  die  besoldten  knecht  mit  trummen  und  pfeyfen

Yu  R.