292  Herman  Hoffman

und  macht  man  in  alle  baurenbaufen  umb  Halle  gelegen  iederzeit,
wie  man  konnt  und  mocht,  gut  kuntschaft  aus  Halle,  auch  am  ersten
von  Cunzelsaw  und  Kirchberg.  Auch  versahe  und  ordnet  der  clain
ausschusz  oder  kriegsherren  vom  innern  rate  darzu  geben  und  bevolhen
  mitzuthon,  wissen  und  willen  ains  erbarn  rats,  das  anfängclichs
die  sachen  mittel  gotlicher  hilf  und  beystands  dahin  gesetzt,  so  es
ioch  uff  das  allerergst  keme  und  den  Hellischen  bauren  ie  nit  zu
vertrauen  were,  als  sie  sich  auch  one  schewe  horen  lieszen,  das  sie
den  zusammenrottierten  bawerschaften  pessers  gonnten  dann  der
stat  Halle,  das  man  doch  besehen  und  die  stat  vor  unpillichem  furnemen
  der  bauren  bewaren  und  behalten  mochte,  und  obe  ir  gleich
vil  wurden,  den  schilt  der  gerechtigkait  zu  beystande  zu  nemen.
Und  ordnet  man  doch  darneben  etlich  aus  dem  rate  und  dem  grossern
ausschusz,  so  die  baweren  fur  oder  Halle  zu  zugen,  hinaus  zu  inen
zu  raysen  und  zuvor  den  fride  anzupieten,  auch  zu  begeren,  gemaine
stat  und  die  iren  in  ruhe  sitzen  [45]  zu  lassen,  dann  ain  erbarer
rate  verhofft,  ire  underthanen  unclagbar  zu  halten,  wie  dann  denselben
  underthanen  auch  hinausgesteckt  und  vertrostung  geschehen  were.

Nicht  dest  minder  warde  auch  die  sturmordnung  in  der  stat
Halle  ernewert,  und  durch  den  clainen  ausschusz  die  stat  innen  und
ausserhalb  mit  etlichen  kriegsgeubten  und  dero  gelegenheit  verstendigen
  personen  besichtigt,  und  was  mangels  erfunden  notturftigclich
erstattet,  darzu  die  thurn  und  meuren  mit  puchsen,  pulver,  stainen,
liechtern,  laternen,  bechringen  und  leuten,  darzu  gehorig,  versehen,
item  stain  zu  den  meuren  gefurt  und  daruff  zum  werfen  getragen.

Es  wurden  auch  etlich  rayfe  mit  schwefel  und  bech,  auch  ain
werfzeuge  mit  eysen  zugericht  zum  sturm  in  die  greben  zu  legen
oder  werfen  und  etlich  bryter  gittersweise  uber  ainander  geschrenkt,
mit  langen  negeln  one  widerniet  geheft,  in  die  greben  zu  legen,  da
man  sich  des  sturms  am  ersten  versehen  mochte.

Item  man  verordnet  etlich  schieszkorbe  zu  machen,  und  warden
vier  uff  der  statmeuren  zu  geen  erkiest.  Die  beschickten  alle  dieihenigen,
so  laut  des  sturmordnungsbuchlins  darauf  beschieden,  und  bevalhen
inen,  was  wer  oder  geschosz  sie  [46]  daruff  haben,  wo  sie  steen
und  sich  zu  wer  schicken  solten;  was  auch  mangels  an  personen
oder  sunst  erfunden,  warde  uffgezaichnet  und  nachgeends  ersetzt.

Item  man  liesz  den  graben  beym  Haimbacher  tolen  auswerfen
und  die  zwyngermauer  vom  Weylerthore  an  bis  zum  Riedenmarthore'),
  wo  not  was,  erhöhen,  und  bey  der  armbrustschieszhuten

')  Das  nach  Rieden  führende  südliche  Thor  des  Katharinenstaditeils.

10

15