10

20

Bauernkrieg.  303

Gleich  obgeschribner  maynung  ganz  gmesz  schriben  die  bauren
zu  vermeltem  Lorch  versammelt  an  ain  gemaynde  zu  Halle  in  aim
sonderlichen  brieve.

Uff  soliche  schreyben  und  alle  vorgeende  handlung  ist  durch
ain  erbarn  rate  zu  Halle  wider  umb  glait  geschriben  worden.  Das
haben  sie,  die  bauren,  geschickt,  wie  nachvolgt:

Wir  hauptleut  und  des  gemainen  hellen  haufen  ausschusz
und  räte.

Ewer  verschreiben  uff  das  jungst  getlon  haben  wir  inhalts  des
brieves  vernommen.  Uff  solichs  ewerm  verschreiben  nach,  so  verschreiben
  wir  ewern  auserwelten  von  beden  räten,  auch  der  gemaynde')
  ain  frey,  stracke,  sicher  glait  zu  unserm  haufen,  bis  widerumb
  an  ewer  gewarsam  fur  uns  und  die  unsern.  Das  mogt  ir  euch
getrosten  und  versehen.

Geben  am  dinstag  nach  misericordia  domini  [2.  Mai]  anno  etc.
funfundzwaynzigisten.

Alsbalde  daruff  ist  von  ainem  erbarn  rate  zu  Halle  zu  inen
verordnet  und  gehandelt  laut  der  instruction  hernachbeschriben:

[63]  Instruction.

Anfangclichs  darzuthon,  das  sie,  die  gesanten,  mit  wissen  und
willen  ains  erbarn  rats  und  ganzer  gemaynde  der  stat  Schwäbischen
Halle  abgevertigt  seyen  uff  ir,  der  hauptleut,  jungst  bitlich  schreiben
und  ersuchen,  anzuzaigen,  wie  inen,  den  hauptleuten,  und  gemainem
haufen  damals  zu  Gaylindorf  versammelt,  von  ainem  erbarn  rate  zu
Halle  geschriben  worden,  obe  icht  gegen  iren  herschaften  und  inen
in  der  gute  zu  handeln  furzunemen  oder  zu  taydingen  were,  zu  erledigung
  irer  beschwerden,  obe  sie  ainicherlay  heten,  allen  muglichen
vieisz  furzuwenden,  des  sich  ain  erbarer  rate  sampt  der  gemaynde
als  fur  sich  selbst  der  pillichait  genaigt,  nochmals  gutwillig  erböte,
alles  das  zu  handeln,  das  zu  furderung  evangelischer  warhait  und
milterung  der  betrangten  underthanen  raichen  mocht.  Des  heten
sie,  die  gesandten,  in  bevelich  zu  horen,  in  was  gestalt,  masz  und
gegen  wen  solichs  abzutaydingen  were,  solt  kain  vleisz  gespart  werden
in  allem  dem,  das  inen  zu  hanthabung  frids,  irer  leybe,  habe  und
gutere  und  milterung  aller  irer  beschwerden  dienen  mocht.

1)  Nach  Herolis  Chronik  S,  211  waren  es  vier  Gesandte,  zwei  vom
innern  und  zwei  vom  üussern  Rat.