10

20

Bauernkrieg.  309

zu  schlahen.  Der  almechtig  Got  wolle  des  alles  zum  pesten  wenden.
Das  alles  wir  ewer  weyshait,  denen  wir  zu  freuntlichen  diensten  genaigt
  Sein,  getrewer  maynung  nit  wollen  [74]  bergen,  darnach
haben  zu  richten.

Datum  in  eyle  montags  nach  jubilate  [8.  Mai]  anno  etc.  funfundzwaynzigisten.


Als  nun  aber  uff  obangeregte  instruction  gethane  werbung  und
anpringen  an  die  bauren  von  Lorch  zu  Mutlanugen  beschehen,  nichtzit
fruchtbars  noch  bestendigs  bey  inen,  den  baurschaften,  zu  erhalten
noch  auszupringen  gwest,  ist  inen  von  aim  erbarn  rate  zu  Halle
wider  geschriben  worden,  wie  nachvolgt:

Stetmaister,  rate  und  gemaynde  zu  Schwäbischen  Halle.

Den  ersamen  hauptleuten  und  andern,  ietzo  zu  Hohenstat  versammelt.


Unsern  grus  zuvor.  Lieben  hauptleut  sampt  dem  ausschusz
und  andern!  Unsere  gesanten  haben  iren  abschiede  nechst  von  euch
empfangen  uns  furgepracht,  daruff  wir  euch  nit  verhalten  wollen,
das  uns  als  ainer  reichsstat  unserer  glubde,  ayde  und  puntnusz  balben,
damit  wir  kayserlicher  mayestat,  dem  hailigen  reiche  und  loblichem
punde  zu  Schwaben  underworfen  und  verpflicht  sein,  die  zwolf  artickel
mit  euch  anzunemen  njt  gezymen  noch  geburen  will,  Wir  haben
auch  mit  den  unsern  auf  ir  anlaufung  von  newem  sovil  gehandelt,
das  sie  wol  gesettigt  und  gern  bey  iren  gutern  pleyben  wollen.  Dem-[75]
  nach  ist  abermals  unser  nachbaurlich  begere,  unsere  underthanen
  und  lantsessen,  so  ir  noch  bey  euch  habt  und  anhaimisch
kommen  sein,  irer  gelubde,  ayde  und  manung  ledig  zu  zelen  und
anhaims  kommen  und  pleyben  zu  lassen.  Das  wollen  wir  nachbaurlich
  umb  euch  beschulden.

Datum  dornstags  nach  jubilate  [11.  Mai]  anno  etc.  funfundzwaynzigsten.


Uff  ietzgemelt  schreiben  an  die  bauren  und  vorgeend  handlung
sind  etlich  Hellisch  bauren  anhaymisch  und  fur  rate  kommen.  Denen
warde  uff  iren  furtrage,  das  man  inen  anhaimisch  zu  pleiben  behilflich
  und  beraten  sein  wolt,  gesagt,  sie  solten  dahaim  pleiben,  und
wes  der  bunde  andern  zuliesz,  solt  inen  auch  zugelassen  werden,
mit  verweysung  irer  handlung  etc.  Sind  sie  abgeschieden,  dem  volg
zu  thon,  aber  nichtsdestoweniger  vom  haufen  wider  gemant,  dem  sie
auch  zuzogen  und  wider  hinweggangen  sein.