310  Herman  Hoffman

Über  solichs  hat  ain  erbarer  rate  zu  Halle  den  von  Esselingen
wider  umb  bericht,  wie  es  nunmer  mit  den  uffrurigen  bauren  umb
ir  stat  und  dem  furstentumb  Wirtemberg  geschaffen  und  gestalt  were,
geschriben,  ist  dis  antwort  gefallen:

[76]  Burgermaister  und  rate  zu  Esselingen.
An  stetmaister  und  rate  zu  Schwäbischen  Halle.

Unser  freuntlich  willig  dienst  zuvor.  Ersamen  und  weysen  besondern
  lieben  und  guten  freunde!  Ewer  erbar  weishait  schreiben
und  begere  an  uns  ietz  gelangt  haben  wir  alles  inhalts  vernommen,
fugen  derselben  ewer  erbarn  weishait  daruff  zu  vernemen,  das  uff
montag  nechstverschinen  die  widerwertig  bauerschaft  im  lande  Wirtemberg
  mit  irem  heer  und  leger  fur  die  stat  Heremberg  geruckt,
bey  vier  stunden  in  ordnung  am  sturm  gestanden,  zwen  sturm,  als
wir  bericht,  verloren  und  zuletst  nach  vilerlay  handlung  die  burger
dahin  bedrawet  und  genöt,  das  sie  die  stat  ufigeben  solicher  gestalt,
das  die  pundischen  knecht,  die  im  zusatze  darinn  ligen,  ire  leybe
und  leben,  desgleich  die  burger  habe  und  gut  inen  verfallen,  doch
sollen  dieselbigen  burger  irs  leybs  und  lebens  gesichert  sein,  haben
daruff  die  stat  eingenommen  und  sich  den  nechsten  des  schlosz,  das
uff  dem  berg  darob  gelegen,  genehert,  das  wollen  plundern  und  verprennen,
  aber  zuvor  und  ehe  sie  ir  furnemen  gegen  den  burgern
und  knechten,  desgleich  mit  dem  schlosz  volnstreckt,  ist  inen  der
punde  mit  dem  raysigen  zeuge  [77]  uff  dem  bals  gwest,  der  hat
inen  solichs  undergriffen  und  sie  dermasz  geangst  und  genot,  das
sie  mit  dem  haufen  hindersich  vom  schlosz  und  der  statt  mussen
weychen,  und  haben  uff  denselben  tage  zway  dorfer  geprannt,  der
bauren  vil  geschedigt  und  sie  dahin  getrungen,  das  ir  vil  zerloffen;
sind  doch  volgends,  sovil  ir  pliben,  wider  hindersich  geruckt,  in  zway
stetlin  Beblingen  und  Sindelfingen  ain  meyle  von  Stutgarten,  da
ligen  die  bauren  uff  disen  tage,  haben  allenthalb  ausgeschriben  ins
lande  umb  weyter  hilf,  konnen  aber  noch  nit  vernemen,  das  iederman
  lustig  sey,  inen  zuzeziehen.  Also  hat  der  punde  die  stat
Heremberg  wider  erobert  und  handelt  mit  name,  prande  und  in
ander  wege  fur  und  fur  mit  solichem  ernst,  das  wir  uns  versehen,
der  sache  werde  balde  ain  ende  gemacht.  Und  ligen  also  das  pundisch
  leger  und  die  bauren  nit  uff  ain  halb  meile  umb  oder  von
ainander.  So  haben  wir  ain  kuntschaft  gehabt,  die  zaigt  uns  an,
das  die  bauren  der  sachen  under  inen  selbs  zwyträchtig,  und  uff  gesterigem
  tage  drew  fenlin  von  inen  gezogen  sein  sollen.  Das  haben

10

15