10

20

Bauernkrieg.  311

wir  ewer  erbarn  weishait  diser  zeit,  sovil  wir  der  sachen  wissen  gehabt,
  nit  wollen  verhalten,  dann  derselben  freuntlieh  dienst  und  gefallens
  zu  erzaigen  sind  wir  genaigt.

Datum  uff  freytag  nach  jubilate  [12.  Mai]  anno  etc.  funfundzwaynzigsten.


[78]  Zedula  inclusa.

Heut  ist  uns  geschriben,  das  gestern  dornstags  iren  funf  von
bauren  ins  leger  zu  herr  Georgen  truchsesz  und  den  pundsräten
kommen  und  begert,  ain  anstande  zu  machen  und  von  ainem  vertrage
  zu  reden.  Das  ist  inen  abgeschlagen  und  an  sie  begert  worden,
sich  in  gnade  und  ungnade  zu  begeben  und  die  Weinspergischen,  so
under  irem  haufen  ligen,  zu  uberantworten.  Was  furter  darusz  wurt,
konden  wir  nit  wissen.

Datum,  ut  in  literis.

Es  ist  den  von  Esselingen  aber  geschriben  worden,  und  daruff
nachvolgends  lauts  antwort  zukommen.

Burgermaister  und  rate  zu  Esselingen
Den  von  Schwäbischen  Halle.

Unser  freuntlich  willig  dienst  zuvor.  Ersamen  und  weisen,  besondern
  lieben  und  guten  freunde!  UiÄf  ewer  erbar  weishait  ietzig
schreiben  geben  wir  euch  zu  erkennen,  das  uff  freytag  nechstverschinen
morgens  umb  zehen  ur  herr  Georg  truchsesz  mit  allem  kriegsvolck
zu  rosz  und  fusz  den  Wirtembergischen  bauren,  so  zu  Beblingen  in
die  zwaynzigtausent  starke  gelegen,  entgegen  gezogen.  Der  hat  erstlich
  etwas  mit  vier  oder  funfhundert  pferden,  die  ins  rennen  verordnet
  gwest,  sie  angriffen  und  mit  denselben  pferden  sampt  dem
geschutze  in  die  flucht  geschlagen  und  geschossen.  Sobalde  er  auch
in  die  vördern  geplatzt,  haben  die  andern  angefangen  zu  fliehen,  und
ain  soliche  flucht  [79]  worden,  die  kam  erhort  oder  gesehen  ist.
Wurt  geacht  von  denen,  die  darbey  gewest,  das  sie  iren  bis  in  drew
tausent  erstochen,  erschossen  und  erwurgt  haben.  Also  uff  gestern
ist  das  pundisch  leger  geruckt  uff  die  Fildern  in  ain  dorf  Plienyngen
ain  geringe  meyle  von  uns  gelegen,  alda  reyten  vil  stet  vom  lande
Wirtenberg  zue,  begern  gnade,  sie  wider  anzunemen,  aber  es  wurt.
niemants  anders  angenommen,  dann  zu  gnaden  und  ungnaden,  und
unzweyfel  gegen  denen,  so  der  sach  schulde  haben,  mit  solichem
ernst  gehandelt,  das  sie  wolten,  sie  heten  es  underlassen.  Sie  haben
ain  im  leger  hegriffen,  der  bey  dem  haufen  zu  Weinsperg  und  bey