10

15

20

25

35

Bauernkrieg.  347

lich  one  alle  aus-  oder  einrede  bezalen  und  behendigen  und  daran
kains  wegs  seumig  erscheinen,  dann  wa  nit,  wollen  und  werden  wir
gegen  denselben  ungehorsamen  iren  leiten,  haben  und  gutern  mit
prande,  name  und  in  ander  wege  handeln  lassen,  wie  die  nottarft
ervordern  wurdet.  Darnach  habt  euch  entlich  zu  richten!

Geben  und  von  gemainer  pundstende  wegen  mit  der  dreyer
hauptleut  bitschiern  besigelt  auf  den  N.  tag  des  monats  N.  anno  etc.
funfundzwainzigsten.

Dise  obgeschriben  urkunde  den  bauren  zu  verkonden  was
aim  erbarn  rate  zu  Hall  nit  anncmlich,  dweyl  die  nit  nach  ir  landsart
  uff  hauptleut,  schulthaissen  etc.  [147]  stunde,  und  sonderlich  beschwerlich,
  das  sie  die  strafe  irs  gutbedunkens  nemen  solten  etc.
Darumb  ain  andere  gestelt  warde  des  lauts:

Wir  Romischer  kayserlicher  und  Hispanischer  konigelicher  mayestat,
  churfursten,  fursten  und  auderer  stende  des  punds  zu  Schwaben
botschaften,  hauptleut  und  räte,  ietzo  zu  Ulme  versammelt  fugen
dir  schultbaissen,  richtern,  dorfmaistern,  bauptleuten  und  ganzer
gemainde  zu  N.  zu  wissen.  Wiewol  ir  umb  ewer  merklich,  unerhorlich
  und  widerpillich  furnemen,  das  zu  erstorung  des  hailigen  Romischen
  reichs  und  aller  erbarkait  nit  clain,  sonder  hochlich  gedient,
an  ewern  leiben  und  leben  andern  zu  exempel  und  ebenpilde  pillich
zu  strafen  gewest,  so  seind  ir  doch  von  uns  als  denen,  so  zur  scherpf
ie  nit  genaigt,  dermassen  und  also  bedacht  und  begnadet,  das  ir
zu  strafe  obangeregter  ewer  freveln  und  mutwilligen  ungehorsame
von  ainer  jeden  feurstat  allain  und  besonder  in  ewern  flecken  habende
  sechs  guldin-  geben  und  bezalen,  derbalben  wollent  dieselben
summa  auf  euch  selbst  under  ainander  nit  den  feurstetten,  sonder
der  steur  nach  zerschlagen,  die  einpringen  und  den  ersamen  und
weysen,  unsern  lieben,  besondern  und  guten  freunden  stetmaister
und  rate  der  stat  Schwabischen  Halle  oder  iren  darzu  verordneten,
so  wir  derhalben  bevelch  gethon,  nachden  euch  diser  unser  brieve
behendet  wurt,  uber  acht  tag  die  [148]  nechsten  gewisslich  und  unverzogenlich
  von  unsern  wegen  antworten  und  daran  kains  wegs
seumig  erscheinen,  dann  wo  nit,  wollen  und  werden  wir  gegen  ewern
leiben,  haben  und  gutern  mit  prande,  schatzung  und  in  ander  wege
handeln  und  gefaren,  wie  sich  geburn  wurdet.  Darnach  habt  und
wisst  euch  entlich  zu  richten!

Geben  und  von  gemainer  pundltende  wegen  mit  der  dreyer
hauptleut  bitschiern  besigelt  auf  den  N.  tage  des  monats  N.  anno
etc,  funfundzwainzigsten.