358  Wolfgang  Kirschenesser

Karlins  Veit  unnd  jung  Raphans  gen  Eschach')  gen  wollen.  Und
als  sie  wider  komen,  wer  er  vor  seinem  haus  gestannden,  in  der
hand  ain  gneip?)  gehapt  und  gen  Lauffen?)  am  Kochen  wollen
geen,  ainem  baurn  ain  tisch  zu  machen;  weren  die  obgemelten
zwen  baurn  zu  ime  komen  und  gesagt:  her,  es  gen  bose  mer  umb,
daruff  er:  wie  so?  Sagten  sie,  das  geschrey  keme,  er  solt  den
pfarber  zu  Eschach  gewarnt  haben,  das  er  das  sein  geflohelt  hett.
Sagt,  er  heis  nit  gethon,  „wist  ir  doch,  das  ich  nechtin  spet  in
des  wirts  haus  bey  euch  gewest,  und  seider  aus  meinem  haus  nit
komen“,  Sprachen  sie,  er  solt  bey  inen  pleiben  und  wollten  ine
nit  goen  lassen,  must  also  bey  inen  pleiben,  dan  wann  es  sich
erfunde,  das  ers  gethon,  wurde  es  ime  nit  geraten.  Daruff'  sagt
er:  lieben  freund,  last  mich  gen  schaffen,  dan  so  er  nit  schuffe,
heit  er  nit  zu  leben.  Dagegen  sie:  er  solt  bey  inen  pleiben,  welten
ine  nit  hungers  lassen  sterben.  Nachdem  uff  mittage  wer  den  baurn
bottschafft  komen,  sie  sollten  gedencken  unnd  zum  hauffen  ziehen,
oder  man  wolt  sie  in  boden  verbrennen.  Da  heten  ine  die  bauren
nit  dabeim  wollen  lassen,  und  mit  inen  gemuest.  Inmittlerweile
betten  sie  den  messner,  Michel  von  Hertikoven,  in  sein  haus  geschickt,
  er  solte  gedencken  unnd  zu  inen  komen;  kome  er  nit,
wolten  sie  ine  an  leib  unnd  gut  verderbenn.  Wer  er  schon  mit
sein  bauren  hinaus  gewest;  und  als  er  zum  hauffen  komen,  heten
sie  ine  gezwungen,  das  er  inen  mussen  schreybcu.  Hett  er  gesagt,
das  er  weder  dinten,  feder  noch  bapier  hette.  Daruff  sie  geantwort,
sie  wolten  es  wol  uberkomen,  unnd  het  inen  der  pfarher  zu  Ickingen  *)
dinten  und  bapier  geben  mussen.  Darzu  het  er  inen  geraten,  sie
solten  bey  leib  und  leben  absten  von  solchem  furnemen,  dan  es
wurde  nit  gut  thon.  Ir,  der  baurn,  furnemen  sey  gewest  fur  Hall
unnd  Gmund  zu  ziehen  und  die  zwolff  artickel  uffzurichten.  Peter
Graw  wer  zu  den  bauptleuten  gangen  und  begert  ein  brieffe  an
die  von  Ötendorff?)  zu  schreiben,  wurden  sie  auch  komen.  Het
er  den  brieffe  bei  eitler  nacht  mussen  schreiben,  wer  auch  der
bott  hey  nacht  hinwege  ganngen.

!)  OA.  Gaildorf,  auf  der  F'rrickenhofer  Höhe.

%)  Gneip,  auch  kneip,  kneif,  knippe:  Schnappnesser.

®)  Bei  Sulzbach  a.  Kocher  OA.  Gaildorf.

*)  Ingingen  OA.  Gmünd,  nordöstlich  von  Gmünd.

®)  Nördlich  von  Gaildorf.  Der  von  Hoffman  (s.  oben  $.  276)  im
Wortlaut  mügeteilte  Brief  ist  gezeichnet  von  Jorg  Betz,  Jorg  Rauber  und
Kirschenesser  und  datiert  aus  Igyingen,  der  Tag  ist  nicht  angegeben.

10

15