10

Urgicht.  359

Deszgleichen  het  er  den  brieve  alher!),  das  man  uns  mit  der
massen  messen  wollt,  wie  wir  inen  gemessen,  auch  schreiben  mussen.
Der  pfarher  von  Thann?),  Kurin  vom  Horn,  und  vogt  von  Welzhaim
weren  von  dem  hauffen  gen  Hailproun  umb  ain  rath  geschickt
worden.  Was  sie  aber  gepracht,  wer  ime  nit  bewist,  dan  er  nit
des  rats  gewest.  Heten  ime  zuletzst,  als  er  sie  fast  gepeten,  urlaub
geben  unnd  den  schreiber  von  Camberg?)  Sebolten  angenomen,  Die
Hellischen  baurn  weren  komen  und  sich  beclagt,  wie  man  under
sie  geschossen  und  zerirent.  Derhalben  sie,  die  bawrn,  willeus
gewest,  keinen  alhlie  zu  gnaden  uffzunemen.  Den  von  Gmund
heten  sie  alweg  geschriben,  sie  solten  hulden.  Er  wer  nit  darbey
gewest,  als  man  Stauffen  verprendt.

Item  er  hab  itzo,  als  man  ine  gefanngen,  bey  10  batzen  bey
ime  khapt,  die  Thullenhans  genommen.

Es  sey  ime  auch  dhein  heller  an  der  beut  worden.  Die  bauru
heten  silberin  becher  unnd  kelch  gehapt,  die  des  apts  zu  Murhart
gwest,  heten  die  hauptleut  genomen.  Und  zu  Lorch  ain  eisens
truchlin  gefunden,  wer  ler  gewest.  So  het  man  inen  ir  meszgwand,
bucher  und  kelch  wider  geben.  Es  sey  der  bevelch  nit  gewest,
Lorch  und  Stauffen  zu  verprennen.  Die  baurn  im  dorff  heten  Lorch
selbs  verprennd.  Darzu  het  er  dem  Bastlin  wirt  zu  Elwanngeu
uff  dem  veld  globt,  wider  den  bund  nicht  mer  zu  thon,  derhalben
er  sich  nicht  besorgt  noch  nit  willens  gwest  zu  ainichen  baurcen
zü  ziehen.

Sie  heten  dem  Wirtenbergischen  hauffen  geschriben,  sie  solten
zu  inen  komen,  oder  sie  wolten  zu  inen  hinab  komen,  und  wer  der
pfarher  von  Dann  in  das  Wurtenbergisch  und  Wurtzburgisch  her
gerihten.  Was  er  auszgericht,  wer  ime  nit  wissend,

Item  es  wer  zu  nachts  ain  baur  von  Hohenstauflen  komen
und  gesagt,  wie  man  in  der  nacht  die  puchsen,  nemblich  6  karrenbuchszen
  unnd  20  hocken  hinweg  furen  wolt.  Wer  ain  hauff  hinauff
  gezogen  in  mainung  inen  das  geschutz  zunemen,  het  man  zu
inen  geschossen,  da  heten  sie  es  gesturmbt,  und  inen  doch  nit

ı)  5.  oben  5.300.  Dieser  Brief  vom  24.  April,  gezeichnet  ron  den  Haupt:
leuten  und  yemeinem  Ausschuss  des  hellen  Haufens  zu  Guildorf,  schliesst  mit
den  oben  angeführten  Worten.

:)  Pfarrer  N.  Held  von  Bühlerthann  (0A.  Lllwanyen),  gebürtg  von
Nördlingen,  8.  oben  S.  345  f.

3)  Komburg.