1U

20

Urgicht.  365

Der  schmid  von  Biberszfeld  het  4  loffel  kaufft  und  1  tisch
genomen,  so  wer  auch  der  stainin  tisch,  so  in  der  abtey  gestanden,
wider  dahin  komen.

Dem  pfarher  von  Tann  sey  ain  sessell  mit  mesz')  knopffen
worden,  derselb  were  alweg  oberster,  was  er  in  hiesz,  must  er  thon.

Bat  daruff  abermals,  man  solt  ime  den  kopff  abhawen,  damit
er  nit  dermasz  gemartert  wurde,  dan  er  uff  sein  letzst  ende  nichts
mer  wisz  zu  sagen.  Das  nam  er  uff  das  allerhochst,

Also  ist  abgeschiden  und  ime  gesagt,  er  soll  sich  bedennckenn,
wan  man  wider  kome,  das  er  die  warhait  anzaige.

Darnach  uff  freytag  nach  dem  achtennden  corporis  Christi  °)
anno  ut  supra  ist  obgenannter  her  Wolffgang  Kirschenesser  enthaupt
unnd  mit  dem  schwert  gericht  worden,  inhalt  der  urthail,  so  hernach
  an  dem  zwolfften  plat  geschriben  stät.

Dieses  Urteil,  auf  Bl.  40  verzeichnet,  lautet  folyendermassen:
Urtaile.

Die  armen,  so  hie  steen  gefangen  und  gepunden,  mit  namen
Wolffgaug  Kirschenesser  pfarrer  zu  Frickenhofen,  Michel  Kling  der
Sichelschmid,  burger  albie,  Semellans  von  Newenstain  unnd  Veyt
Lanng  von  Geiszlingen,  haben  wider  ordnung  Gotes,  Romisch  kayserlich
  maiestat,  das  hailig  reiche,  den  loblichen  punde  in  Schwaben,
auch  andere  ire  hern,  mit  der  thate  unnd  uffrurigen  worten  vor
anndern  gehandelt.  Darumb  haben  die  richter  unnd  räthe  uff  ihr
aide  unnd  freyhait  sage  erkennt,  das  sie  den  tode  verschuldt,  unnd
das  man  sie  hinaus  furenn  unnd  mit  dem  schwert  richten  solle,  so
lannge  bisz  sie  von  dem  leben  zum  tode  gepracht  werden.  Actum
freytags  nach  dem  achtenden  corporis  Christi  anno  1525.

De  —.—n

!)  Messingenen.
2)  23.  Juni,  sonst  auch  bezeichnet  mit:  „an  st.  Johannes  baptistae  abend“.