Full text : Die Hausgesetze der regierenden Deutschen Fürstenhäuser. Dritter Band: Sachsen, Schwarzburg, Waldeck, Württemberg, Zollern. (3)

149  d.  d.  Köln  an  der  Spree  am  Tage  St.  Matthiä  1473.  683

nemen,  welchen  der  itzgnantn  teil  einen  er  wil,  und  welchen  er  nymbt,  sol  der
ander  teil  dem  anndern  seinem  bruder  volgen,  und  yeder  teil  bey  seinen  eren,
wirden,  nutzen,  rentten,  zinsen,  gülten,  herlichkeiten  und  zugehorungen  unverendertt
  bleiben,  und  kein  teil  dem  anndern  nachgeben  als  ob  sein  teil  besser
oder  nützlicher  dann  der  annder  sein  solt,  doch  ob  in  dem  teil  lanndes  icht
schuld  wern,  die  der  verstorben  gelassen  hett,  die  solleu  sie  gleich  miteinander
beczahln,  angesehen,  das  sie  die  parschaft  wie  hernach  stet,  gleich  miteinander
teiln  sollen.  Ob  es  auch  zu  solchem  falle  kome,  dieweyl  der  gnant  unnser  Sone
Marggrave  Johans  lebte,  und  das  er,  als  der  eltste  den  einen  teil  beider  lannd
zu  Francken  und  uff  dem  gebirge  welen  und  nemen  wolt,  so  sol  er  dem  anndern
seinem  bruder,  oder  seinen  menlichen  erben,  das  lannd  der  Marck  zu  Brandemburg,
  lediglich,  unversatzt,  und  unverpfant,  dagegen  ein  und  übergeben,  sunder
arglist  und  ongeverde.  Sie  sollen  auch  in  der  nachvolgenden  eynung  miteinander
  sitzn  und  bleiben,  und  ob  es  zu  dem  falle  köme,  das  got  der  almechtig
gnediglich  geruch  zuverhüten,  das  nicht  mer,  dann  ein  Sone  werntlich,  und  die
andern  so  tieff  geistlich  wern,  das  sie  nicht  werntlich  werden  möchten,  so  sol
derselb  werntlich  Sone  und  seine  erben,  die  lannd  in  der  Marck  zu  Brandemburg,
  auch  zu  Francken  und  uff  dem  gebirge  alle  mit  allen  Iren  zugehörungen
besitzen  Innenhaben  und  behalten,  und  die  geistlichen  an  denselben  lannden  und
leuten  allen  und  yeden  keinen  teil  haben.  Wir  setzen,  orden,  machen  und  wöllen
  auch,  ob  wir  durch  die  gnade  und  gabe  des  almechtigen  gottes  mer,  dann
drey  Söne,  auch  töchter  nach  unnserm  tode  hinder  uns  uuberaten  verliessen,
das  die  anndern  unnser  Söne  Ir  bruder  semptlich,  dieselben  unnser  unberaten
Söne  und  töchter  miteinander  beraten  helfien  sollen  die  Söne  alle  in  geistlich
steende,  und  die  unberaten  töchter  in  geistlichen  oder  weltlichn  steenden,  wie
wir  dann  das  geordent  hetten,  zu  versehen,  oder  ob  wirs  nit  geordent  hetten,
wie  sie  auß  brüderlicher  treu  erkenntten  welche  unnser  tochter  auch  beraten,
und  nicht  außgericht  wern,  die  sollen  sie  sambtlich  außrichten,  des  des  man
sich  von  Iren  wegen  verschriben,  und  verpflichtet  hat,  angesehen,  das  dieselben
unnser  drey  werntlich  Söne  alle  bereitschaft,  golt  und  Silber,  gemüntzt  und  ungemüntzt,
  unter  sich  gleich  teiln  sollen,  einem  als  vil  als  dem  andern,  wo  Ir
annders  sovil  in  leben  seint.  Wern  Ir  aber  mynder,  desgleichn,  aber  mit  den
kleinaten  und  silber  geschirr,  das  wir  oder  ununser  Söne  in  der  Marck  zu  Branndemburg
  überkomen  sol  in  der  Marck  bleiben  und  was  wir,  oder  unnser  Söne
des  in  den  lannden  zu  Francken,  und  ufl  dem  gepirge  überkumen,  sol  dabey
bleiben,  und  die  so  geistlich  bleiben,  es  sein  Söne  oder  töchter,  süllen  nichts
doran  haben.  Doch  orden,  setzen  und  wöllen  wir,  alle  dieweyl  unnser  unberaten
  Söne  einer  oder  mer,  der  oder  die,  als  obsteet,  geistlich  werden  sollen,  mit
Bisthümen  nicht  versehen  sindt,  das  die  andern  Ir  brüder,  die  werntlich  sein,
und  die  landt,  wie  obgerürt  ist,  innhaben,  sie  zu  schule  oder  uil  Iren  Pfründen
versorgen,  und  Ir  einem  einsyeden  jars  tausent  Reinisch  guldein  geben  sollen
solang  bis  sie  mit  Bisthümen  versehen  werden.  Und  den  töchtern  so  zu  geistlichen
  stand,  und  in  closter  kommen,  süllen  unnsere  werntlich  Söne,  Ir  brüder,
Ir  yede  mit  zweyhundert  Reinischn  guldeiu  leipgedings  versorgn  und  versehen,