5
10
15
20
25
30
35
Gültbüchlein. 393
Hoff Stetten?) ist der zeit auch ein hoff, daruff ein bawer
gesessen, gewesen, aber iezo in lehen zerthailt, würd gen Wolbrechzhausen
genossen, leit in Wolbrechzheuser marck, gegen Kröffelbach,
Hoffsteten genant.
Warmersthal leit in Wolbrechzheuser marck, hinder Hopfacher
holz und dem haymatholz, da man von Reinsperg uff Kröffelbach
zu gehet, welches hauss ist abbrochen und gen Wolbrechzhausen
gesezt, mit denen der baur ietzo gmeinrecht hat, welcher vormals
sein aigen gmeinrecht und hürtten gehalten hatt.
Die andern grossen zehend, von traid, korn, dünckel, habern
und wintergersten haben die herren des capitels im thumstifft zu
Würzburg in der incorporation der obley Steinkirchen eingeleibt, dieselben
zu verleyhen, nüzen und in iren nuzen wenden, soweit die
pfarr gehet, nemlich zu Reinsperg, Scheffaw, Hopfach, Kröffelbach,
Hohenberg, Wolbrechzhaussen und Rudelsdorff.
Aussgenoınmen die novalia, dieweil man dem pfarherrn kein
gwiss corpus, auch nit canonicam portionem, das ist den dritten
theil der zehenden geit, und de iure canonico die novalia dem pfarrhern
zustehend. Obwol etwan die andern zehend in clöster oder
stifft incorporirt sein.
Dan die incorporation fit in odium parochi vel ecclesiae. Odia
autem de iure canonico debent restringi, favores vero ampliari. Derhalben
de iure communi® die novalia der pfarrhern sein. Also haben
meine herren des capitels eim pfarrhern die novalia, so weit die
pfarr gehet, gelassen biss uff den heutigen tag.
Der weinzehend von der müllen zu Underndorff an biss gen
Kröffelbach, undter der undteren kelter an die klingen biss an das
nunenzehendlin, so lang das thal, und in andern flecken, so weit die
pfarr reicht, nemmen die herrn des thumstiffts in die obley Steinkirchen
die drey thail und der pfarrer den vierten theyl, vor dem
bieth?) oder kelter, es werd viel oder wenig weins.
Die summergerst, so weit die pfarr reicht, ist des pfarrherrn,
aber die wintergerst des capitels, aussgenommen die widemgütter,
und die vier höff oben angezeigt und wa der pfarrer den
grossen zehenden nimbt uff den novaliis.
ea) Hs: coi mit dem Jbkürzungsstrich darüber.
1) Hofstetten s. OAHaull 319.
?) Biet = Tisch, dann Kelterboden und überhaupt Kelter.