1344 Juni 23, 397
und welen, der alle sache volbringe, als vorgeschriben ist. Dieweyle
er aber rechte und wol thut in alle die weise, als da vorgeschriben
ist, so sol er die vorgenanten pfrunde han, dieweile er lebet und sie
verdienen will und mag. Were auch, das er so lange zeit wol und
5rechte gedienet hette, das er vor alter nit mer gearbaiten mochte,
mag er denne bestellen das ampte mit seinen kinden oder mit gedingten
ehalten, das allermeniglich recht geschehe in alle die weise,
als da vorgeschriben ist, so soll man in nit verstossen von der vorgenanten
pfrunde, dieweile er lebet. Wa auch der rath und die
10 von den zunfften und antwerkhen, die darzu genomen werdent,
die vorgenanten pfrund, wenne oder wie dicke sie ledig wirt,
in dem nechsten manende nit verleihen oder sie verleihen aineın,
der sie mit seinem aigen leybe nit verdienen wöllte, oder dehainen
dabei liten, der sie mit seinem aigen leybe nit verdienen wöllte als
15 vorgeschriben stat, so sol von dem nutzen der vorgenanten pfrunde
und almusen hundert pfund Heller in pene wise verfallen sein den
armen durftigen des spitals zu Halprunnen und solln darzu alle die
burger, die denne des ratlıs sind, das nechste mal, so man ainen
todtengraber wehlen soll, iren gewalt und ir recht zu leibende die
& vorgenanten pfrunde das mal verloren han und sollen das mal und
als dicke das geschicht die zunftmaister und zweie von den antwerken
ane die vorgenanten burger die vorgenant pfrunde leihen in allem
dem rechten als da vorgeschriben stat. Es sol auch der rat gemainlich
und die darzu horend und genomen werden, als vorgeschriben
% stat, die vorgenanten pfrunde leihen in alle die weise als da vorgeschriben
ist, bey guten trewen als zu Esslingen in dem rathe sitt
und gewonlich ist. Were auch, das das vorgenant baus, das zu der
vorgenant pfrund gemachet ist, abbrunne, so soln es die burger und
die statt und das spital sanct Katherinen wider bawen und machen
% als gut, als es vor der brunst was, mit gemainer coste und arbait
one alle geferde. Man sol auch disen brief alle Jar lesen von angenge
bis an das ende vor allem rathe gemeinlich und soln das die zunftmeister
fürdern und schaffende sind, wann sie zehen schillinge öwiges gelts
davon hand zu vertrinken, wa aber die vorgenanten zunftmaister das
35 nit entschüffen, so sollen die ietzo genanten zehen schillinge geltz das
jar verfallen sein einem burgermaister zu Esslingen, der denne zumale
burgermaister ist. — Iliezu geben Bürgermeister, Schultheiss und Rat
ihre Zustimmung. — Siegler der Aussteller und die Stadt (unser stat
insigel und das newe insigel, das vormals nie mer an kainen brief
40 kam). — 1344 (Johans baptisten abend) Juni 23.