—  309  —

vnsern  obgnanten  landen  zeu  gute  vnd  notturft  Inmaßen  vnd  uf  wiese
als  das  clerlicher  besagt  vnd  ußwieset  eyne  zceichnung,  die  wir  mit  vnserm
Ingesigel  versigelt  den  landen  gegebin  und  gein  Lipczk  gelegt  habin.  Soliche
  anneme  vnd  dengkliche  ire  woltat  vnd  willige  bewisunge,  die  vns
onser  obgerurten  lande,  Manne,  Stete  vnd  ondirtanen  hiemitt  tun,  auch
sollich  sture,  bete,  dinste,  folge  vnd  mittelidunge  die  sie  unsirn  Eldern
vnd  vus  vormals  zcu  vilmaln  ond  großlichin  getan  habin,  habin
wir  als  billichin  ist  wolbedechtig  Ingenomen  vnd  betracht  ond  darumb
  derselbin  obgemeltin  vnser  lande,  Grauen,  hern,  prelaten,
Manne,  stete  ond  vndirtanen  was  wesens  die  sint  geistlichin  ader
wertlichin  priuilegia,  brieue,  gnade  vnd  friheite  die  sie  von  vnsirn
vorfarn  Eldern  ond  vns  habin  bestetigt  vnd  befestent,  Bestetigen  vnd
befesten  In  die  hiemitt  ond  sollin  vnd  wollen  In  auch  ond  allen
iren  erben  vnd  nachkomen  wir,  vusir  erben  vnd  nachkomen  die  zcu
allen  zcukunfftigen  gecziiten  vesticlichin  vnd  vnuerruckt  halden  ond
sie  bii  allen  iren  friheiten,  rechten  und  gewonheiten,  die  sie  von
vnsern  vorfarn  Eldern  vnd  vns  gehabt  ond  redelich  herbracht
habin,  bliben  laßin,  auch  sie  getruwelichin  als  die  vnsern  schuczen,
schirmen  vnd  bii  rechte  behalden  vnd  dorczu  einen  iglichin  derselbin
der  onsern  vnd  besundern  der  glich  vnd  recht  vff  vus  vnd  vnser
Erbern  Rete  butet  vnd  dem  nachkomen  wil  fur  vns  vnd  zeu  recht
vnd  auch  sine  sachen  ongeuerlichen  zeu  ende  komen  laßen  ane  allis
geuerde.  Wir  obgnantin  Friderich  vnd  Wilhelm  gebruder  geredin
ond  globin  auch  mit  dissem  brieue,  wann  disse  obgeschribene  zewey
Jar  von  der  Sture  ader  zciise  wegin,  als  obgerurt  ist  gancz  vmbe
vnd  vergangen  sint,  das  dornoch  wir  ader  vnser  erben,  erbnemen
und  nachkomen,  eine  solliche  zciise  ader  derglichen  nach  sust  keynerley
ander  nuwekeite,  wie  die  mit  sundirlichin  namen  genant  mochten
werdin  von  den  obgeschriben  vnsern  landen  allen  ader  eynteiln  zeu
ewigen  kunftigen  gezciiten  nymmermehr  gefordern  ader  nemen,  bedrangen
  nach  beswerin  sollen  nach  enwollin  vnd  auch  nymandes  von
vnsern  wegin  zeu  heischen  ader  zeu  nemen,  zcu  bedrangen  oder  zcu  besweren
  gestaten  In  keynewiß  an  allis  geuerde.  Ab  abir  hirubir  wir  ader
vnser  erben,  erbnemen  ader  nachkomen  eyne  ongewonliche  sture  als  die
obgeschribene  zciise  ader  dergliche  ader  sust  eyncherley  nuwekeite,  die  fur
alder  nicht  gewest  were,  von  vnsirn  obgeschriben  landen  furdern  wurden,
vud  sie  dorczu  bedrangen  vud  notigen  wolden,  das  got  beware,  So
mogen  sich  dieselbin  vnsir  lande  von  sollicher  ungewonlicher  sture
vnd  nuwekeit  wegin  ond  nicht  anders  miteinander  vertragen,  zcusamen
  seczen  vnd  sich  eyns  solichin  gein  vus  ader  vnsern  erben  ader
nachkomen  schuczen  vnd  ufhalden,  darumb  wir  sie  ader  vnser  erben
nicht  vordencken  sollen  nach  enwollin..  Es  sal  In  auch  an  iren