Full text : Württembergische Geschichtsquellen. Dritter Band. (3)

1411  Juli  4.  3ll

Es  sol  ouch  in  dem  antwerk  nieman  kain  lerkneht  setzen  umb
den  tail,  alldiewil  er  ain  lerkneht  ist.

Wär  ouch,  das  ain  maister  mit  sinem  kneht  stössig  wurd  oder
ain  kneht  mit  sinem  maister,  das  sol  sten  an  den  maistern  in  dem

5  antwerk,  und  wie  sü  die  sach  usrihtent,  also  sol  es  ouch  an  im  selber
beliben.  ®

Ouch  ist  gewonhait  und  reht  von  der  lerkneht  wegen,  wär,  ob
ain  maister  mit  aim  lerkneht  kain  geding  hett  anders,  denn  vor  den
maistern  berett  wurd,  wan  man  des  innan  wurd,  darumb  sölt  man

10  in  rehtvertgan.

Welher  maister  ain  kneht  setzt,  der  fromd  ist  und  nie  hie
gesessen  ist,  der  kneht  wirt  4  haller  gen  an  sant  Peters  lieht.  Wär
aber,  das  si  ain  kneht  nit  gäb,  so  wurd  sü  sin  maister  gen.  Wär
aber,  das  si  es  beid  nit  gäbind  und  das  übersehen  wurd,  so  git  der

15  maister  ain  fierdung  wahs,  als  es  von  alter  her  ist  kumen.

Es  sol  ouch  in  dem  antwerk  enkainr  sin  umblegram  nienahin
in  die  statt  tragen.

In  dem  antwerk  sol  ouch  nieman  dem  andern  sin  umbgelet
werpfen  innemen,  es  sient  denn  zegegin  der,  des  die  werpf  ist,  und

20  ouch  der,  der  si  denn  umbgelet  hät,  ist  es,  daz  in  es  der  zunftmaister
erlöpt,  und  suss  nit;  und  die  ainung  stät  5  e.  hir.

In  dem  antwerk  sol  ouch  nieman  umb  werk  bitten,  wan  so
verre  wär,  das  ains  kunden  von  ainem  varen  wurdint,  der  hät  gewalt
und  güt  reht,  in  jars  friste  denselben  sinen  kunden  ze  bitten,  das

25  er  wider  an  in  kum,  und  davon  kumpt  er  ze  kainem  schaden.

In  dem  antwerk  sol  ouch  nieman  enkainen  ungewonrlichen
dienst  tün.  |

Es  sol  ouch  nieman  in  dem  antwerk  dem  andern  sin  werk
schelten,  letzen  noch  abbieten,  noch  sinen  ehalten  'laiden,  abbitten

30  noch  abdingen.

Es  sol  ouch  in  dem  antwerk  nieman  umbsuss  noch  vergeben
das  antwerk  leren,  usgenomen  eins  brüder  kint  und  einer  schwester
kind,  und  ouch  suss  nieman  anders.  |

In  dem  antwerk  sol  ouch  nieman  enhain  werk  innemen  uff  ainen

35  tag  und  das  geloben  wider  usszeantwürten.

Es  sol  in  dem  antwerk  nieman  dem  andern  garn  empfehen,
wan  so  verre,  wes  das  garn  gewesen  ist,  den  sol  man  das  lässen
tragen,  wahin  er  denn  wil.

a)  Folgt  yertrichen:  Es  nol  ouch  kain  maister  ain  lerkneht  verdingen,  er  geb  im  denn  werschaft
  umb  den  lon  und  umb  den  dienst.