Full text : Württembergische Geschichtsquellen. Achter Band. (8)

260  Anhang.  (VII)

Bi  dem  ersten  von  den  burgern,  die  niht  der  zünfte  noch  der
antwerke  sind,  zehen  man,  und  denne  von  der  kramer  zunfte  dri
man,  von  der  koflüte  zunfte  dri  man,  von  der  grawentücher  zunfte
dri  man,  von  der  schmid  zunfte  dri  man,  von  der  bekken  zunfte
dri  man,  von  der  vischer  zunfte  ain  man,  von  der  metzger  zunfte
zwen  man,  von  der  kürsener  zunfte  ain  man,  von  der  weber  zunfte
zwen  man,  von  der  schnider  zunfte  ain  man,  von  der  schüster
zunfte  dri  man,  von  der  gärwer  zunfte  zwen  man,  von  der  buwe-Itte
  zunft  zwen  man  und  von  der  mertzler  zunfte  ain  man,  und
der  och  also  mit  ainander  dez  grossen  rautes  von  den  burgern  und  10
von  den  zünften  vierzig  man  wesen  und  sin  süllen.  Und  süllent
och  also  der  burgermaister  und  grosser  und  klainer  rate  hie  ze
Ulme  den  raute  und  alle  burger  gemainlich  rich  und  arme  hie  ze
Ulme  uf  den  aide,  den  si  gesworn  hand,  besachen  und  versorgen
und  umb  ain  ieglich  sache  raten  und  ertailen,  nieman  ze  liebe  15
noch  ze  laide  denne  alz  sich  ain  ieglicher  von  hertzen  und  von
sinnen  erkennent  und  sich  entstat,  daz  umbe  ain  ieglich  sache,
darumbe  denne  ain  ieglicher  gefraget  wirt,  recht  und  redlich  si;
und  waz  och  also  der  burgermaister,  die  klainen  und  och  die  grossen
räte  gemainlich  oder  mit  dem  merrentaile  usrichtent  und  ze  raut  20
werdent,  oder  wie  si  ain  ieglich  sache  uf  ire  ere  und  aide  schickent
oder  fügent,  daz  sol  fürgang  haben  und  sol  och  gentzlich  dabi  beliben,
  also  daz  sich  nieman  dawider  setzen  noch  tün  noch  daz
dehains  wegs  sperren  noch  widern  sol  ane  alle  geverde,  usgenomen
allain  umb  gät,  verhaissen  und  umb  uszöge  oder  raisan  und  umb  3
ander  stark  häftig  sachan,  die  sol  man  alzite  mit  ainer  gemainde
wissen  und  willen  verhandeln.  Und  also  so  wöllen  wir  die  burger
und  diu  gemainde  gemainlich,  die  niht  der  räte  sind,  den  burgermaister
  und  die  räte  gross  und  klain  zü  allen  vorgeschribnen  sachen
uf  die  aide,  die  wir  gesworn  haben  und  die  wir  och  allerjärlich  30
sweren  werden,  getriulich  friden  und  schirmen  und  niht  gestatten
noch  verhengen,  daz  darüber  dehain  gewalt  oder  unluste  von  ieman
an  si  geleit  werde  oder  in  widerfare,  denne  daz  ez  bi  allem  dem
alz  vorgeschriben  stat,  getriulich  belibe  ane  alle  geverde.  Were
aber,  ob  sich  icht  erfünde,  es  beschäch  hber  lang  oder  über  kurtz,  85
daz  ieman  hie  ze  Ulme,  er  were  von  den  burgern  oder  von  der
gemainde,  dez  rates  oder  usserhalb  dez  rautes,  ichtzit  dawider  retti,
würbe  oder  tät,  davon  uflöffe  oder  widerwärtikait  uferstan  oder
gewahsen  möhten,  so  stillen  alle  die,  an  die  daz  denne  bracht  oder
geworben  wurde,  oder  die,  die  dez  sus  innan  oder  geware  wurden,  40

Si