Full text : Die Hausgesetze der regierenden Deutschen Fürstenhäuser. Dritter Band: Sachsen, Schwarzburg, Waldeck, Württemberg, Zollern. (3)

119  vom  8.  Januar  1372.  653

als  vor  geschriben  stet,  ane  alles  geuerde.  Auch  sullen  die  vorgenanten  formünde,
  vnd  vnser  wirtein  vnd  vnser  kinder  Rete  zu  den  zeiten  vnsern  Sünen
mit  niht  gestaten  nach  hengen,  ee  sy  zu  iren  tagen  niht  kumen  sein,  das  Sie
dhein  Güt,  erbe  oder  lehen,  hin  geben,  oder  verleihen  in  dhein  weis;  und  ob  sy
das  teten  vor  kindeheyt,  oder  sust  wie  das  geschehe,  ee  vnser  Sün  zu  iren
tagen  komen,  das  leihen  vnd  geben  sol  weder  weder  (sic!)  crafte,  noch  Maht
haben  ane  geuerde.  Auch  schiken  und  wellen  wir,  das  vnser  vnd  vnser  kinde
oberster  Amptman  ze  Franken  vnd  öberster  Amptmann  Auf  dem  Gepirge,  oder
ander  vnser  vnd  vnser  kinde  Amptlewte,  dye  ir  Cinse,  gäült,  felle,  rent  von  gelte
vnd  von  Getreyde  ein  nemen,  den  vorgenanten  vnser  kinde  formünden  iren
reten  zu  den  zeiten  ein  male  in  dem  Iare  zu  dem  minsten  gantze  Rechenung
tun  sullen.  Vnd  ob  die  Formünde,  ir  einer,  oder  Sy  alle,  bei  sulcher  Rechenunge
niht  möhten  gesein,  So  mage  vnser  egenante  Wirtein,  mit  iren  vnd  vnser  Sün
rate,  zu  den  zeiten  wol  Rechenung  von  in  ein  nemen;  vnd  vnser  wirtein,  ir  vnd
voser  Sün  rat  mit  ein  ander  vber  ein  kumen,  das  vnsern  Sünen,  Landen  vnd  Herscheften
  nutz  vnd  fugenlich  ist,  in  den,  oder  in  allen  andern  Sachen,  das  sol
gantz  volle  maht  vnd  kraft  haben,  als  ob  das  alle  formünde,  oder  ir  einer  getan
  hetten.  Wer  aber  Sache,  das  vnser  wirtein  vnd  vnser  Sün  Rat  sulche
Sache  an  Rürten,  dy  in  zu  Swere  weren,  vnd  sich  dar  aus  niht  gerihten  möhten,
  vnd  auch  sulcher  Sach  niht  vber  ein  möhten  werden,  das  sol  vnser  wirtein,
  mit  vnser  Süne  rat,  an  die  formünde  pringen,  an  Sy  alle,  oder  an  ir  ein
teil,  oder  an  ir  einen;  vnd  wy  Sy  dy  formünde  dar  auz  rihten  vnd  raten,  das
sol  geschehen  ane  geuerde.  Wer  auch,  das  vnser  wirtein  iren  witwenstul  verkeret
  vnd  verendert,  als  palde  das  geschehe,  so  sol  Sy  von  der  vornuntschaft
gescheiden  sein,  vnd  sol  mit  vnser  kinden  vnd  iren  Landen  vnd  Herscheften
furbaz  niht  mer  zeschiken,  noch  zü  schaffen  haben  in  dhein  weis,  dann  allein
ir  Leipgedinge,  das  ir  vnser  Vater  grave  Iohans,  dem  got  genade,  vnd  wir  Ir
verschriben  haben,  das  sol  Sy  haben  mit  sulchen  gulten,  Cinsen,  dinsten  vnd
rehten,  als  ir  das  verschriben  ist,  nach  laut  vnd  sage  der  briue,  dy  Sy  dar  vber
hat,  dy  zu  den  selben  zeiten  geschriben  sint;  Wann,  ob  wir,  vnser  Vetter,  oder
Vater,  den  got  genade,  Yht  güt  kaüft  hetten  in  den  selben  Gerihten,  Gepiten,
oder  Herscheften,  nach  data  der  briue,  dy  Sy  hat  vber  ir  Leipgedinge  von  vnserm
  vater  vnd  vns,  die  selben  kauften  güt  sullen  vnser  Sün  sein  ane  geuerde.
Wer  aber  sache,  daz  vnsern  Sün  zü  iren  tagen  kumen  weren,  vnd  sy  bei  irer
Möter  niht  pleiben  wolten,  oder  ob  vnser  wirtein,  ir  Muter,  bei  in  niht  sein
wolt,  vnd  Sy  iren  witwenstul  niht  verendert  vnd  verkeret,  die  weil  sol  Sy  ir
leipgedinge,  als  vorgeschriben  stet,  inne  haben,  vnd  dy  nützen  vnd  nizen,  besetzen,
  vnd  auch  dar  zu  alle  die  gült  vnd  güt,  dy  wir  sider  darein  gekaüft
haben,  vnd  die  in  den  Gepieten  vnd  gerihten  des  selben  leipgedings  gelegen
sein,  nihts  uz  genümen  ane  geuerde.  Wer  auch,  das  vns  Got  mere  Sün  gebe
vnd  beriet  von  vns  seinen  gnaden,  dann  zweyer,  So  meynen  vnd  wellen  wir,  dos
doch  newr  zwen  leyen  herren  sein  süllen,  vnd  niht  mere,  dy  vnser  lande  vnd
Herscheft  erben  süllen  ane  alles  geuerde.  Auch  behalt  wir  vns  maht  vnd  craft,
alles  ditze  Geschefte,  ein  teil,  oder  ez  alles,  zü  verkeren  vnd  zü  verrüken,  oder