506 1418 Juli 18.
horent lesen, das wir eygentlich besonnen | und betracht haben,
das nicht zu geistlicher und werntlicher ussriechtung und furwesunge
nutzes und bessers gesin mag dann mechtiger fursten, herren
und grosser stete eyntrechtikeyd, darumb und nemelich dem almechtigen
Got zu lobe und zu eren uns, unsern landen luten und
undertan | geystlichen und werntlichen und umb des besten willen
haben wir uns mit rechter, warer und bestentlicher fruntschafft und
gutlichkeid mit einander vestencliche vereynet, verstricket und verbunden,
vereynen, verstricken und verbinden uns gegenwerteclich
in crafft diess brieffs funff jare die nehsten nach datunı diss | brieffs
aller schirste nach einandere volgende in aller der mass und forme
als hernach geschrieben stet. Zem ersten sollen wir einander in
guten rechten und gewaren truwen meynen, eren und furdern an
allen steten, wu des noit ist und wir einander unser tage getruwelichen
helffen leysten zu dem besten ane alle geverde. Es sollent
auch wir in zyt dieser vereynunge wieder einander nit sin oder
tun noch den unsern des gestatden uss unsern landen und gebieten
dess getan werden noch unsere vient husen, halten oder zulegung
tun, die auch in deheins unsern slossen steten landen und gebietden
15
keyne geleyde oder frieden han sollent in eyniche wise anc geverde. 90
Es sollent auch in unsern slossen landen gebietden alle lantferer,
kaufflute und bilgerim gute sicherheid friede und geleyde haben,
in welches under uns slossen, landen und gebietden das uberfaren
und nit gehalten würde, sol under uns, in welche slossen landen
und gebietden das gescheen were, in solichem ernste darzu tun,
als obe es unsere eigen undertan gescheen were ane alle geverde.
Werez auch, das under uns, welche partlıy das were, von Ymands,
were der were, verunrecht, bekrieget, beschediget oder angrieffen
wurde nemeliche in solichen sachen, das die andere parthy under
uns, die also verunrecht, bekrieget und angrieffen wurde, zu gliche
und rechte wole ‚mechtig were, so sollen wir beyde partbyen und
unsere ygliche besundere der, die also under uns verunrechtet, bekrieget,
beschediget oder angrieffen were, wieder soliche unrecht
und gewalt getruwelichen beholffen und beraten sin unser ygliche
mit ir gantze macht, wan und wie dicke unser der ein deyl von
dem andern hermanet wirdet, also das der deyl, der also hermanet
wirdet, solicher verunrechter, bekrieger und beschediger und angrieffer
von stund und ane vertzug mit allen den, die der selbe
teyle vermag, fient werdent und den auch fientlichen tun sollent zu
glicher wise und in aller der masse, als ob ez unser yglichen teyl
30
40
