18
noch verseezen noch uns domit gen yemand ichtes verschreiben
zu gewarten noch verpinden mit deheinen sachen stucken, odir
artikeln, wie man die benennen mochte, also das wir oder unser
erben uns domit nyndert vermachen wollen noch sullen on besundern
willen, wizzen, gunst und rat des graven Ebirhart unsers
bruders, graven Ulrich seines sunes und irer erben on alles geverde.
Ouch sullen und wollen wir und unser erben, ob wir die gewinnen,
dehein unredlich oder geverlich schuld uf die herschaft zu Wirtemberg
odir uf ire gut nicht machen oder tun an des egenannten
sraven Ebirharts unsers bruders und seiner erben wizzen und
willen on alles geverde.
Wir globen ouch für uns und unser erben, ob wir die gewinnen,
und ouch unser ratgeben und diener, der wir gewaltig
sein und die durch unsern willen tun und lazzen wollen und der
wir ouch gewaltig werden mugen, on geverde ein gute sicherheit,
fruntschaft und ein stete sune mit dem egenannten graven Ebirhart
unserm bruder, graven Ulrich seinem sun und iren erben und
mit allen iren ratgeben, helffer und diener, wie die genant sein,
umb sulche geschicht und umb alle getat, die sie an uns, an landen
und an leuten, wie und von was sachen sich das verlaufen habe
und verhandelt, von dyser geschicht wegen und ouch von ander
getat bis uf dysen heutigen tag getan und begangen haben mit
reten und mit teten, in welcher mazz das geschehen sey, und
wollen ouch und globen by dem eyde, den wir dorubir zu den
heiligen gesworn haben, daz wir sulche sache und getat nymmer
geanden noch gerechen wollen noch sullen mit rat oder mit tat
und ouch nymand von unsern wegen für uns, unser erben und
alle unser helffer und diener on alles geverde. Es sullen und
wollen ouch wir, unser erben, helfer und diener die vesten, stete,
diener, burger, oder ander leute der herschaft ze Wirtemberg von
diser getat wegen nicht besweren noch angreiffen und das nymmer
gen yn geanden noch rechen heimlich oder offenlich, mit deheinen
werken ungeverlich.
Wer ouch das wir uns gen ymand verbunden, vermachet, oder
verstricket hetten oder hinder yemand gesworn hetten mit uns
selber der herschaft von Wirtemberg, iren landen, lüten und guten
oder sust ymand globt hetten domit zu warten wider den egenannten
graven Ebirharten unsern bruder, sein erben, diener oder
herschaft on graven Ebirharts willen und wizzen und ob ouch das
verbrivet were oder nicht, das sol alles vor allen sachen untugelich,
13
[2%
ww
10
15
-
>0
30
35
40