b
10
15
20
25
30
35
25
der egenanten bruder, die sie alleezeit uns und dem heiligen reich
beweiset haben und ouch soliche nutzliche dienste, als sie uns und
demselben reich merklichen gedienet haben steteclichen und nuczlicher
dienen sullen und mugen in kunftigen ezeiten, und haben
dorumb mit wolbedachtem mute, mit rechter wizzen und von keiserlicher
macht den egenanten brüdern, iren erben und nachkomen,
grafen zu Wirtemberg gnediclichen erleubet und erleuben in mit
craft diez briefs, daz sie daz vorgenant dorfe zu Leichingen mit
mauren, turmen, porten, erkern, graben und anders wie sie wollen
vesten und bewaren und zu einer stat machen mugen, und wollen,
daz sie doselbist ewielichen stock und galgen und alle hohgerichte
und mit namen uber daz blut, und daz leib und gut antriffet, und
ouch einen wochenlichen markt, den sie seczen werden, da haben
sullen und mugen zu irem willen. Auch wollen wir daz die egenante
stat zu Leichingen und die burger, die dorinne wonen oder
wonen werden, haben sullen alle die freiheit, recht und gnade und
auch gebruchunge aller guter gewonheit, die do hat die stat zu
Stukgarten, mit beheltnuzz aller recht unser und des reichs stete
und ieder mannes in allen den egenanten sachen.
Mit urkund diez briefs versigelt mit unser keiserlichen maiestat
insigel, der geben ist zu Prag nach Cristus geburt dreuezenhundert
jar darnach in dem vier und sechezigistem jar an sand
Augustinus tag, unserer reiche in dem neunezenden und des keisertums
in dem cezenden jare. Per dominum imperatorem
Johannes Eystetensis.
ll. Kaiserlicher Freiheitsbrief für Graf Eberhard den
Greiner, eigene Heller zu schlagen.
1374 Januar 17.
Nach dem Original im Kgl. Staatsarchiv zu Stuttgart. — Abdruck: H. Günter,
das Münzwesen in der Grafschaft Württemberg S. 49.
Wir Karl von gotes gnaden romischer keiser, zu allen zeiten
merer des reichs und kunig zu Beheim, bekennen und tun kunt
offenlich mit diesem brieve allen den, die yn sehent oder horent
lesen, das wir angesehen haben stete getrewe nuze dienste, die
uns und dem heiligen reiche der edel Eberhart grave zu Wirtemberg,
unser lieber getrewer, offte und dieke getan hat, teglich tut
und noch tun sol und mag in kunftigen zeiten, und auch durch
sunderliche zuversicht und trewe, die wir an ym erfunden haben,