536 1455 Juni 30.
in dise unsre oberland als regirender fürst komen sein, / unsern lannden
und lewten, auch gemainer nutz ze furdrung, sovil uns dann des von
götlicher miltikait verlihen wirdet, frid, gemach und sone ze schaffen,
haben uns die ersamen, weisen unser getrew lieb burgermaister, rate
und burgere / gemainklich der stat ze Rotweil fürbracht, wie si von 5
menigern unpillichen angesücht und bekumert werden, und baten uns
diemüticlich, daz wir si in unser versprechnüs zu recht aufnemen_
wölten. Und wann nw wir betrachten, / daz die benant stat Rotweil
sich vor jaren auch zu weiland den fursten von Österreich, unsern
vorfarn loblicher gedechtnüss, mit dinstbarkait und gevallen getan 10
und gehalten haben, auch angesehen, daz dieselb stat von uns und
dem haws Österreich namhaffticlich belehent und uns dadurch als
von manschafft in sunderhait verpunden ist, darauf wir solh ir bete
zimlich und aufzenemen schetzen, also haben wir die benante stat
Rotweil und alle die irn mit lewt und güt in unser versprechnüs zu 15
recht aufgenomen und nemen wissenlich mit dem brief vier jare die
nagsten nach datum dis briefs nach ainander volgende in dermasse,
als hernach geschriben steet: Zum ersten, daz wir die benante zeit
aus die vorgenanten von Rotweil alle, ir burgere und die in zu versprechent
steen, mit güten, stetten und rechten trewen mainen 20
haben und halten söllen und auch dieselben zeit mit in nicht zu
krieg noch ze veintschafft komen umb dhainerlai sach noch den,
der wir mechtig sein, des zu gestatten, in dhain weis. Wir süllen
und wöllen auch die zeit dhainen der vorgenanten von BRotweil
veind, die si jetz haben oder furrer in der zeit überkoment, in 25
dhainen unsern slossen, Stetten und gepieten nit enthalten, hawsen,
hofen, essen noch trinken geben, sunder unsern lantvögten, anwelten
und den unsern ernstlich bevelhen, solhs vesticlich gehalten werden,
ungeverlich. Und were, das iemand die vorgenanten von Rotweil von
oder wider ire freihait, gnad, recht, gewonhait oder briefe, wie sie 30
dann die von seliger gedechnus Römischen kaisern und kunigen erlangt,
erworben und herbracht haben, trengen oder bekriegen oder
si sunst umb ander sach, warumb das were, besweren oder bekümern
wölten wider recht, so si daz recht denselben irn widersachen auf
uns darlegten und buten in der vorgenanten zeit der vier jar, so 35
sollen und wolleu wir, und ob wir alsdann nicht in lannd weren, unser
lanntvögt und amptleüte, wenn wir oder dieselben unser lanntvogte
und amptlewte darumb von in angerufft und ermant werden, si dabei
hanthaben, schutzen und schirmen und in gegen denselben beholfen sein
nach unserm vermügen getrewlich und ungeverlich. Und ob das were, 40