Pag.  4.

Zunftbeiträge.


Pag.  5.

Dauer  der
Ordnung.

246  Anhang.  (III)

gelait  wurde,  daruf  si  auch  gewant  gähling  machen  muesten,  und
das  sie  das  mit  den  knechten  als  gahling  und  als  bald  nicht  volbringen
  und  machen  möchten,  so  mag  der  oder  dieselben  maister,
die  denn  also  mit  sollicher  arbait  uberladen  weren,  |  von  den  andern
maistern  irs  handtwercks,  ob  si  wollen,  wol  mer  knecht  entlehnen  5
und  erbitten,  als  wil  und  er  denne  die  weile  zu  sollicher  arbait
notdurftig  ist,  und  wenn  auch  daz  ist,  das  sie  die  arbait  und  auch
das  werek  also  volbracht  und  volfuert  haben,  und  der  knecht  zu
dem  werck  nicht  mer  notturftig  sind,  so  sollen  si  die  iren  maistern,
von  den  si  die  entlehnt  hand,  wider  lassen  haingen  one  widerred  10
und  den  fürbas  aber  nit  mer  knecht  haben,  denne  drei  in  aller  der
weise,  als  vorgeschriben  stät  ane  alle  geverde.

Wir  haben  in  auch  mer  gegunnen  und  erlobt,  daz  nun  fürbas
mer  ain  ieglicher  zunftmaister,  wer  denn  ir  zunftmaister  ist  oder
ir  gemein  buchs  inne  hat,  von  ainem  ieglichen  maister,  er  sei  reich  15
oder  arm,  der  in  ir  zunft  ist,  alle  sambstag  ze  nacht  ainen  guten
Wurtzburger  pfening  in  ir  gemein  buchs  einnemen  und  emphahen
soll,  und  sol  auch  den  ain  ieglicher  maister  williglich  und  gern
geben  one  widerrede,  und  doch  also,  was  sie  also  gelts  in  die
buchs  einnenien  und  emphahen,  es  sei  litzel  oder  vil,  das  sie  das  20
nit  anderst  anlegen,  noch  bewenden,  denn  in  gemeinen  nutz  und
fromen  |  des  handtwercks,  und  das  auch  sie  damit  der  stat,  desto
nutzlicher  und  desto  tröstlicher  gedienen  und  warten  mugen  one
alle  geverde.

Und  also  sol  alle  vorgeschriben  sach  weren  und  bestan  als  25
lange  und  uns  dunckt,  das  das  gemeiner  unser  stat  und  auch  gemeinem
  irm  handtwergk  nutzlich,  trostlich  und  fuglich  sei,  und
wenn  auch  uns  dungkt,  und  wir  uns  erkennen,  das  das  uns  noch
unser  stat  noch  gemeinem  handtwerck  der  schneider  nicht  mer
nutzlich  noch  fugelich  ist,  das  wir  das  denn  wol  gemindern  oder  30
gemeren  oder  aber  gentzlich  abnemen  und  widerruefen  mugen,  ane
allernenglichs  irrung  und  widerrede.  Und  dez  alles  ze  warm  und
offem  urkundt  haben  wir  vorgenante  der  burgermaister  und  der
rat  gemainlich  der  stat  ze  Ulm  unser  stat  gemein  insigel  offenlich
gehengkt  an  Jdisen  brief,  der  geben  ist  an  dem  nechsten  montag  35
nach  des  hailigen  creutz  tag  zu  herbst,  do  man  zelt  von  Cristi
geburt  driuzehenhundert  jar  und  darnach  in  dem  ainundneuntzigisten
  jare,!)

1)  1391  September  18.