688 VIO. Theilung, Ordnung, Satzung, Vertrag, Einigung etc. 154
noch in keinem geverde, oder wider des anndern willen, Im zu schaden, die
nicht einnemen sol, sunder Jr iglicher sol des anndern Lannd, Leut und gut, so
getreulich, vleissiglich und ernstlich schützen, schirmen und hanthaben, als sein
eigen Lanndt, Leut und gute, so ofit des not geschicht, ohn alles geverde, Wir
orden, maynen, setzen und wöllen auch, das die obgenantn unnser Söne, und Jr
erben mit nymant keinerley puntnus oder eynung eingeen sollen, es sein dann
die anndern unnser Söne, Jr Brüder und Jr erben auch mit begriffen, oder sie,
Jr Lannd und Leute dorinn außgenomen, alle arglist und geverde, hirinnen
gentzlich außgeschiden, und darumb, das auch solchs alles und yedes also und
wie obstet, in allen seinen stücken, punckten, artickeln, und Innhaltungen von
allen unnsern Sönen unb kindern, die wir itzund haben, und hirnach überkomen
würden, auch Jr aller und Jr yedes erben vestiglich und unverrückt gehalten
werde, on Jrrung oder eintrege. So mechtigen Wir Marggrave Albrecht obge-
nanter und wir Anna sein eliche gemahel Marggrefin zu Branndemburg, zu
Stettin, Pomern, der Cassuben uud Wenden Herczogin, Burggrefin zu Nuremberg
und Fürstin zu Rügenn. Und wir Johanns und Fridrich, von denselben gnaden
gotes, Marggraven zu Branndemburg, zu Stettin, Pomern, der Cassuben und
Wendn Herczogen, Burkgraven zu Nuremberg und fürsten zu Rügen, Jre Söne
uns alle semptlich miteinander, der anndern unnser czweyer Söne und Brüder,
Marggrave Sigmunds und Marggrave Jörgen, und auch der andern unnser kinder,
und geswistret die wir itzund haben, und durch die gnad und gabe des almech-
tigen noch überkumen würden, bereden und versprechn auch für dieselben unnser
kindere und geswistret alle in Ireın namen und von Jren wegen mit zeitigem
rate und wolbedechtlich in krafft ditz briefs. So geredn, globen und versprechen
wir obgenante Johanns und Fridrich gebrüdere für uns selbst, und unnsere
erben, bey unnsern fürstenlichen wirden, eren und treue an eins rechten gesworn
eides stat, solch teilung, ordnung, satzung, vertracht und eynung wie hievor ge-
schriben stet, in allen Jren stücken, punckten, artickeln und Innhaltungen, stete
veste und unverbröchenlich zuhalten, zuvolc ziehen, und mit dheinen sachen,
handlungen oder teten, wie die yemants erdacht oder erfunden hett oder hirnach
ymmer erdencken oder erfinden könt oder möcht, dawider nymermer zu sein,
oder zu thun oder schicken getan werden, noch das yemants von unnsern wegen
zuthun bevelhben, verhengen oder gestatten, weder mit recht noch on recht geist-
licher oder werntlicher Richter oder gericht, in kein weis. Und ob yemants do-
wider sein oder thun wölt, dagegen getreulich und ernstlich beyeinander zu-
halten, mit lannden, leuten und allem unserm vermögn sunder alle arglist, und
genntzlich on alles geverde. Und des zu warem offenen urkunde steter haldung
und bekrefftigung alles obgeschriben, so haben Wir obgenante Marggrave Albrecht
Curfürste Anna sein eliche gemahel, Johanns und Fridrich, Ir Söne, für uns, alle
unser erben und nachkomen, unnser igliches sein Innsigel an disen brive lassen
hencken. Gescheen und geben zu Colne an der Sprew am Mittwoch sand Mathias
des heiligen Zwelfiboten tag, nach Cristi unnsers Lieben herrn geburt, vierc-
zehenhundert und dornach in dem drey und Sibentzigisten Jarenn.
Or.-Perg. im Königlichen Hausarchiv. 8 Folien. Die vier Siegel sind vorhanden, aber nlıge-
rissen. Gedruckt bei GQundlinga a. O. Anl. PP.; bei Lentz, Markgr. Brandenburgische Urk. Il. 602.
