82 I. Haupttheilungsvergleich zwischen Kurfürsten Ernst 82
serung an solchir losung irfinden Sal vns beiden adir unsern Erben vnd nach-
kommen zcu gleichem teil zcu gut kommen,
Vnd Ap In dieser teilung an Weselichen stucken ader an sundirlichir nu-
tzung an schulde vnd gulde, das In dißer teylung nicht begriffen vnd nicht ge-
sezt Noch gedacht funden wurd In welchem teil vnd lande sich das begebin das
sa] hernachmals vns beiden vnsern Erben vnnde Nachkommen zcu nutz, vnd zu
schaden kommen allis treulich vnd vngeuerlich,
Nachdem ‘auch die Hochwirdigen loblichen Bischtum vnd Stifft Meissen
Merseburg vnd Numburg mit Iren Sloßen Steten vnd Zcugehorungen In vnd an
vnsers lieben bruders vnd vnsern fürsten thumen vnd landen gelegin In der
Hochgebornen fürsten, vnser lieben eldirn vnd vorfarn zeliger gedechtnus vnd vn-
serm Schutz Schirm vorteiding vnnd Hanthabung geweest vnd heerkommen sindt,
Dieweil dann das Bischtum zcu Meissen mit seinen Sloßen Steten Vndirtanen
vnd zcugehorungen nach yr geleginheit vnsers lieben bruders vnd vnser gemachte
etil, beyde ruret, Vnd vnser iglichs Schutz, Verteidings vnnde Hanthabung not-
torfitig ist, So setzin vnd orden wir das der obgnant vnser lieber Her frunt vnd
geuatter Her Iohans Bischoff zcu Meissen vnd sein nachkommen mit irem Bisch-
tum Stifft Sloßen Steten dorffern Vndirtanen Leuten gutirn Zcu vnd Ingehorun-
gen, In vnsers lieben Bruders vnserm vnd vnser beider menlicher eelichir leibes
Erben semptlichen Schutz schirm Verteiding vnd Hanthabung sein vnd pleiben
Sich auch widerumb mit fruntschafit gutem Willen vnd hulfflichem beystandt
gegin vns beiden vnd vnser iglichs gemelten Erben halten vnd erzceigen sullen
als wir vns des zcu yren lieben versehen, So sullen die Erwirdigen In gotueter
voser lieben Hern vnd frunde Nemlich Her Tile Bischoff zcu Merseburg vnd
sein Nachkommen mit yrem Bischtum vnd Stifft yren Sloßen Steten dorffen Vn-
dirthanen luten gutern zcu vnd Ingehorungen In vnser eins fursten dem der teil
Dor Inn Leiptzk Weisenfels vnd freiburgk mit andern yren anhengen gelegen
sind zcufallen vnd pleiben wirt, Vnd Her Ditterich Bischoff zcu Numburg vnd
sein nachkommen mit yren Bischtum vnd Stifft, yren Sloßen Steten Dorfiern Vn-
dirtanen leuten gutirn zcu vnd Ingehorungen in des andern fursten vndir vns
dem der teil dar Inn Wymar Torgaw vnd Zcwickaw mit andern yren anhengen
gelegen sind, zcu fallen vnd pleiben wirt Schutz Schirm, Verteiding vnd Hant-
habung sein vnd pleiben Sich auch igliche gegin Irem Verteidingsfursten vnd
seinen Menlichen elichen Leibes erbin Widerumb mit fruntschafft gutem Willen
vnd hulfflichem Beystand halden vnd erzceigen In maßen auch vorgeweest vnd
Herkommen ist getreulich vnd an allis geuerde,
Vnd welchen teil Vnser lieber bruder Annemen kiesen vnnd behalten wirt,
der sall mit allen seinen angezceigten Sloßen Steten prelaturen Graueschafiten
Herschaften, Manschaften, Clostim, Clostirhouen, Dinsten Herlickeiten gerechti-
keiten nutzungen Zcu Vnd Ingehorungen Demselben vnserm lieben Bruder vnd
seinen Menlichen elichen leibes erben vnd der ander teil mit allen seinen ange-
zceigten Sloßen Steten Prelaturn, Graueschaften Herschaften Manschaften Clo-
stirn, Clostirhouen Dinsten, Herlickeiten gerechtikeiten nutzungen Zcu und Inge-
horungen Vns vnd vnsern Menlichen elichen Leibes erben erblich werden pleiben
