...192 
Georgen mit Rate Karls und Bernhards sol gesezt werden, derselbe amptmann 
auch darumb durch die andern amptlüte jerlichs in der Vasten sol tun gleuplich 
redliche Rechnunge den, die von denselben Dryen Brüdern dazu bescheident wer- 
dent. Und was Nuzunge über die vorgenante Dusent gulden vorhanden blibet von 
allen Renten und Gevellen, davon sollent dann des ersten werden gerichtet solche 
gülten, die Georien zu sinem Teile jerlich gebürent zu bezalen. Soviel dann dar- 
über vorhanden plipt; zu dem sollent die vorgenante unsere Söne Carl, und Bern- 
hart oder Ire Erben jeglichs jars geben, Funfzehenhundert gulden, Solich geld alles 
soll den angelegt werden zu Bezahlung hauptgelds und Gülten der gemeinen schul- 
den, darumb die den wir die schulde zu tund sind abzusagend habent uf die Marg- 
gravschafft Baaden verschriben. 
Itenı. Die Regalia und Lehene die wir bisher empfangen haben und getra- 
gen, von Römischen Kaysern, Königen, und Auch die Lehene von der Pfalz sol 
nach unserm Tode allemal zu rechter zite und gebürunge empfahen und Tragen 
Karle unser Sun und nach sinem abgang aber der eltest der vorgenanten unser 
dry weltlichen Sünen oder Irer Erben Mannes geschlechte, und was Costens daruf 
geen wirdet, dieselben Regalia und Lehene zu empfahend mit zimlicher zerunge 
und die Brieve zu lösende, des sol Ir jeglicher Teile, und sine vorgenanten Erben 
zu redlicher Rechnung gelten und tragen alsovil als der ander ungeverlichen. Doch 
so sollent die Lehen der Graveschafften zu Spanheim allemale empfangen und ge- 
tragen werden nach Lute der verschribunge davon Innhaltende, was dasselbe wir- 
det Costen mit zerunge und Losunge der Briefe das sol allein geen uf den der 
dieselben Grafschafften wirdet Innlıaben. 
Item. Die Lehene von den Stifften Menze, und Spire soll in obgeschribener 
Forme empfahn und Tragen Bernhart unser Sun und sin stamme ober den Teile 
zu Pforzheim in der obgerürten wale beheltet. So sol Gerig unser Sun und sin 
stamme enpfahen und tragen die Lehene von dem Stift zu Wysenburg auch in 
obgerürter Forme. Wurde aber Bernhart unser Sun Georien Teile weelen, als vor 
ist begrifen, So soltent Bernhart und sin stamme diss Lehen von dem Stifft zu Wy- 
senburg, und Gerig und sin stamme die Lehen von den Stifften Mentz und Spire 
empfahen und Tragen. 
Item. Alss von der Pfalz zu Lehen geet Graben und Steyne mit Irer zuge- 
hörde, und dieselben Mannschafft zu ledigen ist mit Fünfzehen Dusent gulde nach 
hute der Briefe darüber. wann da der obgenant unser Sun Karle oder nach sinem 
Tode der Eltest, der dasselb Lehen in obbeschribener Mas sol und wirdet empfa- 
hen und tragen sich solicher Mannschafft ledigen und das ablösen wolte mit den 
Fünfzehen Dusent gulden, das sol derselbe den andern unsern zweyen Sönen sinen 
Gebrüdern oder Iren egenanten Erben zwey Jare zuvor verkünden und zu wisend 
tun in sineın versigelten Briefe, und nach Usgang der zweyer Jare sollent sie alle 
Dry oder Ir jeglichs obgenante Erben samentlich die egenante Mannschafft mit den 
Fünfzehen dusent gulden nach der egemeldten Briefe Innhalt ablösen und Ir jeg- 
licher daran geben sovil als der ander one Geverde, doch dass dieselben Sloss Gra- 
ben und Steine mit Iren zugehörden allzit vor und nach bliben In handen des 
Teils und siner Erben dem sie in vorgeschribener mas sind zugeteilet.