422
to desseme suluen breue henkghet. De is ghe gheuen To Tzelle na Goddes Bord.
Dritteynhunderd iar. indeme vif vnde Vifteghesten iare indeme Hilghen auende
Sunte Johannis Baptiste.
Van goddes gnaden. We her Magnus. Hertoghe to Brunsw. be kennet open-
bare dat vse leue Veddere her Willehelm. Hertoghe to Brunsw. vnde to Luneborch
mid vs vnde we mid eme deghedinkghet hebbet dat Junkhere Lodewich. vse Sone
schal Sine dochter Junkvrowen Mechtilde to eneme echten wiue nemen de wel he
eme gheuen. Vnde storue vse veddere ane rechte eruen. so schal vse Söne Lode-
wich mid Siner dochter na vses vedderen dode. de gantzen. Herschop to Lune-
borch hebben vnde be holden. alse Sin rechte erue vnde eu here der herschop.
Were auer dat vseme vedderen rechte eruen. worden. en Söne edder mer de schol-
den Sine Herschop to Luneborch hebben vnde beholden alse eres rechten vaderes
erue. vnde vse Sone Lodewich nicht. vnde so scholde vse veddere eme mid Siner
dochter gheuen. Bardorpe. unde den Camp. vnde Suppelinkgheborch. wat he dar
an heft. Were auer dat Suppelinkgheborch vor koft worde dat gheld dat dar vore
worde dat scholde vse veddere lekghen an Varsuelde vnde dat mede losen. so
scholde Lodewich vse Sone wat vse veddere an varsuclde hedde mid Siner dochter
hebben vor suppelinkgheborch. vnde dar an scholde he sik ghe noghen laten. vnde
vppe de herschop. to Luneborch mid nichte mer saken storue ok Lodewich vse
Sone er wan. vse veddere. vnde en hedde vse veddere nene rechte eruen. So schal
he vnde wel. Siner brödere eneme vseme Söne wene vse veddere denne vt kust
Sine dochter Junkvrowen Mechtilde to eneme echten Wiue gheuen. mid Siner gantzen
Herschop. de scholde he hebben. na Sineme dode. Worden auer vseme vorbeno-
meden vedderen. rechte eruen en Sone edder mer so scholde he vsene Sone den
he denne koren hedde mid Siner dochter gheuen Bardorpe den Camp. vnde Sup-
pelinkgheborch also alse hir vorescreuen is. dar scholde he Sik an ghenoghen laten.
vnde vp de Herschop. to Luneborch mid nichte mer Saken. vn vses vedderen rechte
eruen scholden Sine Herschop. beholden. Desse vorbenomeden stukke wille we don
vnde. vaste vnde vnvorbroken holden also alse Se hir vorebeschreuen Sin vnde
schikken dat Se holden werden dat hebbe we ghe loucd vnde loued in Truwen
vseme leuen. vedderen Hern Wilhelme Hertoghen. to Brunsw. vnde To Luneborch.
vnde be tughet dat mid desseme breue. dar vse ingheseghel to hankghet. Ouer
dessen deghedinkghen. van vser weghene hebbet ghe wesen Hannes van Honloghe
knecht. Tyle van. deine Damme. Cord eleres. vse borghere To Brunsw. De hebbet
ere Ingheseghele mid vseme Ingheseghele to ener be Tughinkzhe to desseme suluen
breue henkghet. de is ghe gheuen To Brunsw. na Goddes bord Dritteynhundert
iar. in deme. Vif vnde vifteghesten iare. indeme Hilghen auende Sunte Johannis
Baptiste.
