211
Swager Herttogen Hinricke von Mekelnborch unde Swerin inantwortten willen,
mit sulken Bescheide, efft hy dat ymand fordan ingeven wolde, des schal hy
gantz Macht hebben, unde doch bestellen, dat den Stettinischen Herren, diewile
sie ören Deil daran hebben recht Slotgelove gehulden werde, ane alle Geverde,
unde die gnante Unse Swager, edder wem hy dat Forder inantwerden unde in-
geven wert, schal des von Uns seker unde velich wesen, dat wy van Woldegge
unde Helpte wegen neine Forderunge meher don, sondern dat by örer Herschop,
glik andern ören Steden bliven laten, doch unschedelicken Uns, Unsen Brüdern,
Unsen Erven unde Nakommen Marggraven to Brandemborch an Unser Stat Lichen,
unde Unserm Closter tor Himmelporte, mit allen Tobehringen unde Gerechtkeiten,
unde an den Briven, die Uns von dem guantem Unsem liven Ohemen, Herttogen Hin-
ricke darover gegeven unde versigelt sin’, die scholen sünst in allen Püncten unde
Artickeln bie Crafft unde Macht blieve, an Arch unde an alle Geverde; Ock als
wey obgnanten Herttogen unde Herren von Meckelnborch unde Swerin etlicke
Tyd gemeint hebben, die Edeln Ern Baltsar Gannse unde sine Brudere, Herren
to Pottlist, von Pottlist wegen Manspraken to holden, So hebben Wy dem gnan-
ten Unsem liven Ohemen unde Schwager, Marggraven Fredericke togesecht, dat
die Dedinge der Wy Uns mit den Gennsen ergnant lestmals to Wittemberge be-
dedinget hadden, gantz afwesen scholen, unde wes die Gennse ergenoumet in eins
jewelken Hern Landen belegen, an Dorpern unde inkommenden Rennten, in Leh-
nen unde in Geweren hebben, dat scholen unde mogen sie also beholden, unde
Manrecht darvon don, worden Wy dan to Rade, dat Wy die Gennse, oder üre
Erven forder bededingen wolden von Pottliste, So scholen unde willen Wy dat
don vor dem gnanten Unsem liven Ohemen und Swager Marggraven Fridericke
oder sinen Erven unde vor ören Reden, wes die dann erkennen und in den Saken
utseggen werden, dat schal von beidendeilen geholden werden, unde Wy willen
sie darover von der Sake wegen nicht meher vehden noch vorgeweldigen, ane
Wedersprake. Und wenn unde up welke Tyt Wy obgnante Margrave Frederick
Herttoge Hinrick die Older, Herttoge Hinrick die Jünger unde Herttoge Johann,
also to Dagen kommen, so scholen und willen \y uns under - - - aller boven
geschreven Saken, vorder na Unser Rede Rade gütlicken unde früntlicken ver-
schriven, versigelden unde overantwerden, als vorgerürt is, unde dat stede
unde vaste getruwelicken gegen einander holden, unde den boven geschreven Dach
nicht affalaen noch verlenngen, so ferre Uns dat Lives Nod, edder drepplicke er-
hafftige Nod nicht benemet, worde des dann Unser ein oder meher von drep-
licker Ehafftiger Nod wegen verhindert, so dat die doch up die benömte Tydt
unde Stede nicht geholden worde, so schal dat doch allen vorgeschreven Stucken,
Puncten unde Artickeln up allen Deilen unschedelicken sin, unde alle begrepen
unde vorgerürde Saken scholen gütlicken unde früntlicken Stande bliven, so lange
dat Wy Uns anderer Dage vertragen, unde wol Tydt unde Wile darto hebben,
allen Saken unde Verschrivingen natogande, tofolkommen unde to donde als boven
geschreven sted, an Arch und an alle Geverde, Alle düsse vergeschreven Stücke,
Puncte unde Artickele, unde ein jewelck besundern, wes von Uns in dissem
Brive geschreven stect, redden unde loven Wy egnaute Marggrave Frederick vor
14 *
