213
Manne vnd Stede von Vnses Geheytes wegen, to den Hilligen geschworen to
holdene, ane Arch vnd an alle Geverde; Vnd met ingetogen, Würden Wy ob-
gnannte Herttoge Hinrick dy Oldere, Herttoge Hinrick dy Jünger, vnd Herttoge
Johann von Dodes wegen affgan, dat Got lange wende, So dat Vnse Manne vnd
Stede Vnsen mennlicken Lives-Erven Frffhuldunge don würden, So scholen dy
sülven Vnse Erven, allen Vnsen Mannen vnd Steden, vnd allen ören Erven vnd
Nakomen, dy denn levendig sin werden, die Erffhuldunge, dy sy Vnsen ergnannten
Ohemen vnd Schwegern gedan hebben, openbar met verkundigent vnd ön met
seggen, dat sy dy Erffhuldunge in Gedechtniß beholden, vnde efft Vnse Geschlechte
verstorve, dat sy denn dy Huldunge holden alse boven geschreven steit, vnd dy
Huldunge is geschin umb sonderlike Live vnd Früntschapp ok vmb Gnaade vnd
Befredunge der Lande von beiden Syden vnd von Beterunge willen Vnser aller
Lande vnd Lüde; Vnd ok darumb dat dy gnannte Unse Oheimen vnd Schwe-
gere Marggraff Frederick vnd syn Bruder, dy Tosprake vnd Gerechticheit, dy
sy an dem Förstendon to Wenden hadden vnd meynden to hebben Vns vnd
Vnsen Erven früntliken övergeven hebben. Ok hett Vns dy gnannte Vnse live
Oheme vnd Schwager, Marggraffe Frederick togesecht, efft Wy oder Vnse Manne,
oder Steden von Vnsem Hren dem Romischen Konige von der boven geschreven
Huldung wegen bededinget wörden, dat he Vns vnd Vnse Manne vnd Steden des
Ansproks entheven vnd benehmen will, ane alle Geverde. Gescheget denn dat
Wy vnd Vnse Erven, vnd Vnse Herschafft verstöven, vnd die Lande an den er-
gnannten Vnsen Ohemen vnd Schwaher, an sinen Bruder, oder an öre Erven, oder
Nakomen, Marchgroven to Branndborch qwemen, alse vorgerüret is, bleven denne
Frauens-Namen oder Döchtere Vnses Geschlechtes na Vns, dy scholen sy beraden,
na erliker Forstliker Wyse, na Rade der Hren, Mann vnd Stede von den Landen.
By dissen boven geschreyen Saken, eynungen vnd Verschryvungen sind gewesen
vnd hebben helpen handeln, bedingen, vnd vordbringen, disse hirnageschreven
Vnse Rede, Manne vnd von Vnsern Steden alle Vnse liven Getreuen met Na-
men Er Hinrick Kran, Provest to Fredeland, Er Mattiß Axskow Ridder, Lüder
und Helmold Lützowen Marschalke, Otte Vieregge, Hennyng Warborch, Curd
Hinrick, Henneke vnd Reymer, alle Geheyten von Piesse; Joachim von Pentze,
Hanns Stralendorpp, Hanns Flotow, Otte Sperling vnd Eggert von Qwyetzow,
vnd vt Vnsen Steden, Er Bernd von Alen und Er Peter Hanneman Borgemesteren
to Rostock, Er Peter Wylde, und Er Ludeke Oldefelle, Borgermeister vnd Rat-
man to Wyßmar, Otte Swerin vnd Hinrick Roleves Ratman to Parcham, Jacob
Stönenhagen vnd Jacob Berghane, Ratmıann to Güstrow, Wanenberch Bandowe,
Joachim Linstow, Borgermeister vnd Ratmann to Malchim, Meineke Bleyse vnd
Hinrick Vlugge, Ratmanne to Plawe, Borchard Asselmann vnd Peter Brüggeman,
Borgemester vnd Ratmann to Swerin; Vnde dat Wy obgnannten Herttoge Hinrick
dy Oldere vnd Herttoge Hinrick de Jünger, vnd Herttoge Johann met Vnsen Er-
ven, vnd Nakomen alle disse vorgeschreven Saken, Stücke, Punckte vnd Artickele
vnd ein Jywelck besünder, wovon Vns in dissem Brieve geschreven steit, stede,
vaste vnd vnverbrocken holden scholen vnd willen, Des to Orkunde vnd waren
Bekentnis hebben Wy alle dry vor Vns vnd Vnse Erven wmd Nakomen Vnse In-
