Full text : Württembergische Geschichtsquellen. Siebter Band. (7)

312  1390  Fehr.  9.

ouch  mit  namen  baid  vorgenant  parthien  beliben  bi  iren  güten,
herreschafften,  briefen,  frihaiten,  rechten  und  gewonhaiten  alz  sy
die  herbrächt  hant  also,  daz  in  disiu  täding  daran  kainen  schaden
bringen  sol  in  kainen  weg  ungevarlich  und  ez  sol  ouch  diu  sach,
darumb  her  Diether  von  Gemmingen  ain  gemainer  man  sin  [sol]  und
daz  uff  in  vertädinget  und  noch  unussgetragen  ist,  uff  dem  selben
hern  Diethern  beliben  in  aller  der  mässe  alz  daz  verschriben  ist.
Ez  sullent  ouch  baid  vorgenant  parthien  alle  vorgeschriben  sach
die  egenant  zit  und  frist  bi  güten  trüwen  getruwelichen  wär,  stäte
und  vest  halten  und  vollestrecken  in  aller  der  wise  so  vorgeschriben
stät  ane  alle  geverde.  Und  doch  so  nement  baide  vorgenant  parthie
in  diesen  sachen  uss  unsern  herren  den  Römischen  künig  und®
dem  hailigen  riche  siniu  recht®  ze  halten  und  ze  tund  und  och
den  lantfrid,  den  unser  berre  der  Römisch  künig  gemacht  hat,  ouch
ze  halten,  alz  der  begriffen  und  verschriben  ist  und  alz  wir  den
gesworn  haben  ungevarlich.  Und  disiu  früntschafft  und  sach  sol
weren,  beliben  und  bestan  hinnan  biz  zu  sant  Georien  tag  der
schierost  komt!)  und  darnach  driu®  gantziu  jar  die  nechsten  nach
ainander  ze  zelen®  und  sich  sullen  die  vorgenanten  herren  von
Wirtenberg  und  ouch  die  von  Esslingen  bedenken,  wie  diu  sach,
alz  hie  vorgeschriben  stat,  nach  dem  besten  an  unsern  herren  den
Römischen  künig  ze  bringen  sy  und  sullen  die  von  Esslingen  in
ainer  kurtzen  ziten  erber  bottschaft  zu  den  herren  von  Wirtenberg
tun  und  der  herren  räte  darumb  annemen  und  mit  ainander  gedenken,
  wie  daz  gen  unserm  herren  dem  künig  ussgetragen  werde,
daz  er  sinen  guten  willen  und  gunst  zü  dieser  früntschafft  gebe,
darzu  sullent  baid  parthie  iren  ernst  und  vermugent  tün,  daz  ı@
geendet  und  ussgetragen  werde  so  daz  allererst  gesin  und  geschehen
mag  ane  alle  geverde.  Wäre  aber,  daz  man  die  sach  mit  unserm
herren  dem  künig  nit  möcht  ussgetragen  also,  daz  er  sinen  willen
und  gunst  zu  disen  sachen  nit  geben  wolt,  so  sullen  alle  vorgeschriben
  sach  und  täding  gentzlich  ab  sin.  Geben  an  mitwochen
nach  sant  Agathen  tag”  anno  domini  MCCCLXXXX.

a)—a)  1391:  in  mit  recht,  b)  1891:  sechs,  c)  Das  folgende  fehlt  1391.  d)  1391:  Und
dez  alles  ze  warem  urkund  baben  wir  vorgenante  von  Wirtemberg  für  uns  und  alle  unsor
erben  unser  algne  insigel  zu  merer  gezeugnus  der  sach  offenlich  gebenkt  an  disen  brief
der  geben  ist  an  dem  nechsten  aftermentag  vor  sant  Laurentien  tag  da  man  zalt  von  Christs
geburte  drewzehenhundert  jare  und  darnach  in  dem  ainen  und  newnsigisten  jare.
e)  In  einer  Abschrift  aus  dem  Ende  des  16.  Jahrh.  im  Stadtarchio  steht  irrtümlich  geschrieben:
Mathe  tag,  das  Aiedurch  sich  ergebende  Datum  Sept.  28  wurde  auch  in  die  Darstellungen  übernommen


1)  April  23.

10

15

20

25

30