280 1405 Aug. 2.
mit enhainerlaige wise, sus noch so, ane alle geverde. Sich verzigend
ouch Hans der Pfuser und fröw Els von Grafnegg vorgenant
herüber für sich und alle ir erben gegen den egenanten herr Conrat
Maäslin, Hansen Mäslin, sinem brüder, und Jacoben dem Wirt, irem
swösterman, und gegen allen iren erben aller reht, ansprauch und 5
widervordrung, aller hilff, alles schirms, alles rehtigends, gaistlichs
und weltlichs gerihtz, aller frighait, aller brief, si sient darüber erworben
oder die nocl fürohin darüber erworben möhtint werden, es
sige von bäpsten, von bischoffen, von kaisern, von künigen oder
anderswannen, von wem daz were und mit namen aller fürzög und 10
fünde, si sient geschriben oder ungeschriben, wie man die mit
nemlichen worten usgeziehen, vinden oder erdencken künd oder möht,
damit si oder ir erben oder ieman andrer von ir wegen wider dis
redlich verkouffen, vertigen, verzihen und ufgeben künden oder möhten
getün oder daz in dehain weg irren, wenden oder bekrencken, ane 15
alle geverde. Es tätend ouch Hans der Pfuser und fröw Els von
Grafnegg, sin elichi husfrowe, dis verkouffen, vertigen, verzihen und
ufgeben und alle vor geschriben sachen zü den ziten, do sie daz wol
getün mohtent, mit iren handen und mit munde und mit miner hant
und die egenant fröw Els von Grafnegg mit zopf und mit brust, wan 20
es ir morgengab anrürt, und ouch mit irs vogtz hant und mit munde
in der egenanten herr Conrat Mäslins und Hausen Mäslins und Jacobs
des Wirtz hende mit urtail, alz reht waz und als es uf dem hofe
ze Rotwil ertailt ward, Jdaz es geschehen were, als reht were und
als es nu und ouch hienach in künftigen ziten billich und mit reht 25
kraft und maht haben sol und mag, luterlich, ainvalteclich und ane
alle geverde. Und des alles ze warem oflem urkünde so hän ich
des hofs ze Rotwil insigel mit urtail offenlich gehenckt an disen brief.
Und ich Hans der Pfuser und ich Els von Grafnegg, sin elichi husfröwe,
veriehen, daz wir dis verkouffen, vertigen, verzihen und ufgeben und 30
alle vor geschriben sachen gegen den egenanten herr Conrat Mäslin und
Hansen Mäslin, sinem brüder, und Jacoben dem Wirt, irem swösterman,
und gegen allen iren erben getän und vollefüret haben in aller
der wise und mässe, so von uns an disem brief geschriben stät, und
haben darumb beidi unsrü insigel für uns und alle unser erben 35
offenlich gehenckt an disen brief. Und ich Hans der Bock, burgermaister
ze Rotwil vorgenant, vergich, daz ich der egenanten fröw
Elssen von Grafnegg ze vogte geben wart in alle die wise, als vor
geschriben stät, und daz si ouch mit dem egenanten Hansen dein
Pfuser, irem elichen man, dis verkouffen, vertigen, verzihen und uf- 4u
