Beilage Nr. 4. 
Bericht über den Verlauf des im Jahre 1548 in Leipzig 
abgehaltenen Landtags. 
— 
„In Vigilia Thomä S. Apostoli, so da war der zwanzigste 
tag Decembris sindt die Herren ꝛc. vmb drey hor zu Leipzigk ein- 
komen, Vnd vmb fünff schlege gen Hoffe auffs Schloß zum essen 
gangen. Da Inen CF. G. einen beschiedt geben lassen, Auff nechst- 
künfftigen Morgen nach sieben hor für S. Churf. G. Losement zu 
komen, das da war ins Küchenmeisters Hause am Marckt, vnd mit 
S. Churf. G. zur Kirchen zu ziehen. (Welches also geschehen, Das 
Hochgedachter vnser Gnedigster Herr, der Churfürst, mit Hertzogk 
Augusto, seiner Churf. G. Bruder, zu S. Thomas in die Kirchen 
fürstlich und hinter Inen die zwen Bischoffe, Julius confirmirter 
zur Naumburgk, vnd Joannes, Bischoff zu Meissen, in langen klei- 
dern geritten, Da Magister N. Morus eine predigt von dem spruch 
Genesis semen mulieris conteret caput serpentis, seer fein, woll 
vnd methodice gethan, Als er aber an die Contraria vnd pugnantia 
komen sollen, war die Zeitt vorlauffen.) Vnd darnach auß der 
kirchen vff das Ratthauß vns verfuegen, allda anzuhören, warumb 
sein Churf. G. vns anher beschrieben, Vud ist 16) des orts unsers 
Gnedigsten erste proposition vnd vortragen in beysein vnd anhören 
der Ritterschafft und Stedten vorlesen worden, Der Kayserlichen 
Maiestät Erclerung in der Religionsachen belangende. Darnach man 
zu Tisch gangen, ond bescheiden worden, das man umb eins alle 
wolle bey einander sein. 
Da man nach ettlicher beredung (darin dann eben fast das 
gebeten wardt, das es nicht ein blinder Handell were, vnd niemandt 
wüste, wovon man handelte, vnd worauff man antworth geben solte) 
das Kayserliche bedencken in Religionsachen oder Interim gelesen hat. 
Mit welchem lesen der Tag gantz zugebracht ist. 
16) Neben dieser Stelle ist in der Handschrift bemerkt, daß es Freitags 
geschehen sei. 
21