384  1399  Sept.  26

nit  ze  gebietend  hat,  noch  ime  zühörend  on  geverde,  und  süllen
wir  ainen  erbern  schidman  und  die  egenanten  von  Esselingen  ouch
ainen  erbern  schidman  darzü  geben,  vor  den  die  kuntschaften  verhöret
  süllen  werden.  Und  wie  dieselben  zwen  dann  darumb
sprechend  und  söliche  stucke  eintschaident,  daby  sol  es  bliben  und
gehalten  werden.  Möchten  aber  dieselben  zwen  nit  uberain  werden
nach  verhörung  der  kuntschaft,  so  süllend  dieselben  zwen  ainen
obman  zü  in  niemen  und  uff  welhen  tail  dann  der  egenant  obınanı
vellet,  daby  sol  es  ouch  beliben  und  gehalten  werden.  Wer
aber,  daz  dieselben  zwen  des  obmans  nit  überainkomen  möchten,
so  süllend  die  egenanten  grafe  Rüdolff  von  Sultz  und  Peter  Leowe
ain  obman  dargeben.  Und  sol  ouch  entweder  tail  dem  andern
tail  sin  kuntschaft  nit  wenden  an  der  sage,  alles  ane  argliste  und
one  alle  geverde.  Und  das  alle  vorgeschriben  stucke  und  sachen
von  uns,  unsern  erben  und  nachkomen  nü  fürbas  mer  war,  stet,
veste  und  unverbrochen  bliben  und  gehalten  werden,  so  haben  wir
egenant  grafe  Eberhart  von  Wirtemberg  ietzo  globt  und  verhaissen
by  unsern  güten  trüwen  dawider,  noch  besunder  wider  dehain
stucke,  so  vorgeschriben  stand,  nit  tüin  noch  schaffen  getan  werden

10

15

in  kainerlay  wise  alles  ane  alle  argliste  und  ane  alle  geverde,  und  20

des  ze  urkunde,  so  haben  wir  unser  aigen  insigel  offenlich  gehenkt
an  diesen  briefe..  Wir  graf  Rüdolff  von  Sultz  der  elter  und  Peter
Leow  von  Ulme  baid  als  ain  gemain  man  und  darzü  wir  grafe
Rädolff  von  Hohemberg,  Geori  von  Wellwart,  ritter,  Reinhart  von
Wile  und  Herman  Vyraubend  von  Gemunde,  die  vorgeschriben
schidlüte  verjenhen  und  bekennen  uns  offenlich  mit  disem  briefe,
daz  wir  also  alle  vorgeschriben  sachen  eintschaiden  und  gesprochen
haben,  als  die  hinder  uns  und  uff  uns  von  baiden  partien  komen
und  gegangen  sind,  daz  die  ouch  getrüwlich  one  alle  geverde  von
baiden  partien  nd  fürbas  gehalten  süllen  werden  in  der  masse,  so
vorgeschriben  ist.  Und  des  zü  noch  merrer  gezügnüsse  so  haben
wir  egenant  sechs  mit  namen  die  gemain  und  schidlüte  unser
ieglicher  sin  aigen  insigel  ouch  offenlich  gehenkt  an  diesen  briefe,
der  geben  ist  ze  Esselingen  an  dem  nechsten  fritag  vor  sannt
Michels  tag,  do  man  zalt  von  Crists  gebürt  drüzehenhundert  jar
und  darnach  in  dem  nüneundnüntzigostem  jare.

1785.  Vergleich  zwischen  der  Stadt  Esslingen  und  Graf  Eberhard
  von  Württemberg  wegen  Eigenleuten  an  verschiedenen  Orten