6% IX. Kaiserliche Bestätigung der Achillea etc. 156 
alles und yeglichs inneheldt und außweiset, zu bestetten, zu bevessten und zu 
confirmiren, gnediclich geruchtn; haben wir angesehen seiner lieb fleissig zimlich 
bete, auch dabey betrachtet willig, getreu, unverdrossen dinste die sein vordern 
und Er uns und dem heilign Reiche offt und dick williclich beweist und getan 
haben, der yecztgenant Marggrafe Albrecht teglichs tut und hinfür in kunfitig 
zeit wol tun mag und .sol. und darumb mit wolbedachtem mute und gutem 
Rate unser und des heiligen Reichs Curfursten, fursten, grafen, edeln und ge- 
treuen, haben wir als Romischer keyser gnediclich bestettigt, bevestigt und con- 
firmirt, die obgemeltn einung, teilung, ordnung, saczung und vertrag, mit allen 
iren stucken, puncten, artickeln und begreiffungn, wie der obgemelt brief das 
alles und yeglichs innhelt und außweiset, und auch alles das das hernach volget 
Nemlichn solher eynung teylung ordnung und saczung, die der genant unser 
oheim und Curfurste Marggrave Albrecht, hinfur bey seinem leben oder nach 
seinem tode, den got gnediclich enthaltn welle, seine sone, oder ire menlich 
erben des geslechts, fur und fur tun wurden, oder etliche lehenguter, sloss, 
stette oder lannde einer dem andern eingeben, übergeben oder huldigen werden 
lassen, in allen iren puncten, meynungn und artickeln, als sy von wortten zu 
wortten begriffen und geschriben steen, und furter under in begrifien und ge- 
schriben werden mogen, geleicher weise als Sy in dem brief genczlichen gesaczt 
wern, oder ob Sy durch recht oder gewonheit hierinne begriffen sein solten, und 
sol ine solhs an irer versamelten hand, so offt es zu schulden kompt unschedlich 
sein, und keinen unstatten bringn, sonndern sy und ihr menlich erben des ge- 
slechts, sullen fur und fur nichtzdestmunder mit eynander gesamelt sein, die 
nuessen, haben, und wo es zu schulden oder fellen kumbt der fehig sein und 
gebrauchn, nach laut der verschreibung und saczung, die zwuschen ir gemachdt 
sind oder hinfur gemacht werden; auch bestettigen, bevestigen und confirmirn 
wir solhs alles und yeglichs von Romischer keyserlicher macht, volkomenheit, 
fur uns und unser nachkomen am Reich wissentlich in crafft diß briefs, ercleren, 
urteiln, seczen und wellen auch von volkomenheit keyserlichs gewalts, daz die 
mit allem irem innhalt, puncten und artickeln wie obgemelt ist, crafit und 
macht haben sollen, von allermeniclich ungehindert und wiederrufien, auß rechter 
wissen, alles das, das dawider von uns, unsern vorfarn und nachkomen am Reiche 
gegeben were, oder wurde, dan dasselb alles und yedes ob es gegeben were oder 
wurde, erclern wiryeczo alsdan und dan als yeczo mit zeitigem rate der vor- 
angeczeigten, und vollkomenheit keyserlichen gewalts, in crafft diß briefs, crafft- 
loß und unpundig. und gebieten darumb allen und yeglichen Curfursten, Fursten, 
geistlichen, weltlichen, grafen, freyen, herrn, rittern, knechtn, haubtleuten, vogten, 
viczthumben, pflegern, verwesern, amptleuten, burgermaistern, richtern, reten, 
burgern und gemeinden, und sunst allen andern unsern und des Reichs under- 
tanen und getreuen, die yeczuczeittn sind, in was würden adel standes oder wesens 
die sein ernnstlich und vesticlich, daz Sy die obgenantn unser oheimen, Cur- 
fursten und Fursten, die Marggraven und ir obgemelt erben an solichem allem 
und yeglichem wie obbegriffen ist, nicht hindern, oder irren in keinweise, sonnder 
sy dabey getreulich und vesticlich hanthaben, schüczen, schirmen und bleiben