278 Johannes Ficker:
der Reformation in Konstanz ist gedrängt erzählt, bis schliesslich
einbellige Predigt in der Stadt erreicht worden sei. Um die Missbräuche
in den Cerimonien habe man wohl gewusst, aber um der
Schwachen willen habe man sie geduldet, „besonder allwegen der
gnaden Gottes, die mit der zyt uns kämen, erwartet“. So ist nach
und nach ein Stück nach dem andern gefallen:
„Die offnen cruzgeng, darnach die aberglöubischen gebrüch der charwochen,
dann die ynsegnung der geschöpften, als salz, wassers und anderlay
— — bis letstlich von den gnaden Gots es by uns darzu kummen
ist, das in unser statt und oberkayt deren gar kains in bruch und übung
ist, dann allain das die munk, die des ain begiert habent, doch one zwang
der unwilligen die Kutte tragend und ire horas, aber one mess und messämpter,
nachmals (bis ouch uff sin zyt) singend und lesend. Sunst aber
ist in allen kirchen das singen und lesen und alle bäpstliche gebrüch abgestelt
und an deren statt verordnet, das alle täglich tag ain predig gethon
wurt. Under welhen predigen der gmain mann baider geschlächt in tutscher
sprach etlich psalmen und gaistliche lieder singend vor und nach
der predig. Dessgleichen sammlet man den armen, wie dann dise baide
gebruch by den ersten christen ouch gwesen, doch ist darin (ouch nach
pruch der ersten kirchen) kain gezwang, also das man etwan singt etwan
nit singt. Item so gebrucht man ouch nit die psalmen jeder zyt bestimptlich,
besonder je nach dem er den singenden zum besten gmaint und gefellig
ist.
Die bäpstlich mess ist by uns gar abgangen, mit sölhem fug: Als
unsere christenliche predicanten die widerfochten und der nichtigkayt derselbigen
grund und ursach uss der schrift furgebracht, habent wir den
gegenthail, die die mess in übung hatten, ervordert, dass sy die gründ
der predicanten mit hailiger schrift ablaynen und ir mess, das sie Gott
wolgefellig war, uss biblischer schrift bewären oder aber deren so lang
stillston sölten, biss sy das thäten. Das habent nun sy nit thun wellen,
oder rechter geredet nit mögen. Und sind also darvon gestanden.
Wir aber und die unsern begond die christenliche mess, das nachtmal
des Herren, doch nit täglichs, besonder je nach dem den gläubigen gemaint
ist. Und vorab zun österlichen fyren, und das alles fryg uss guttwilligem
herzen one gezwangniss, darzu one verstrickung jedermanns gewissne,
die gegenwertigkayt des wesenlichen lybs und bluts Christi, der
in der jungfrowen Maria empfangen ist, zegeloben oder nit zegeloben.
Besonder wurt jedem gestattet, sin gewissne, nachdem er von Gott gnad
empfacht, ze richten. Item wir habent, nachdem die bäpstler ihrer mess kain
ursach geben wolten, in allen gmainen und husskirchen alle messaltar
abgebrochen, allain in pfarren zu begeeung des Herren nachtmals ainen,
doch nit uff vorige art, besonder in tischwyss uffgerichtet, ston lassen.
Und mit dem die götzen und pild, welhe umb vererung willen ufgestelt
warend, und ab den orten, do ain argwon ist, das sy mögent vereret
werden, doch one ain pracht oder gross geschray abbrechen und behalten,
und darnach die uss den behaltern nach und nach in still gar hinthun,
verprennen oder vermuren lassen.