264.  Anhang.  (VII)

sol  in  ainem  monat,  dem  nehsten  vor  sant  Gorigentag')  ane  alle
geverde.  Doch  süllen  die  zunftmaister  und  ratgeben  von  den  burgern
  und  von  der  gemainde,  dez  grossen  und  dez  klainen  ratz  und
och  die  burger,  die  niht  der  räte  noch  der  zünfte  sind,  und  alliu
gemainde  gemainlich,  der  zünfte  und  antwerk  usserhalb  der  räte
allwegen  uf  sant  Görigentag  sweren  ainem  burgermaister  und  den
räten  aller  vorgeschribnen  sache  getriulich  bigestendig  beraten  und
beholfen  ze  sind,  ane  alle  geverde.  So  sol  ain  burgermaister  uf
dieselben  zite  herwiderumbe  och  sweren  ainen  gelerten  aide  zü  den
hailigen  mit  ufgebotten  vingern  ain  gemain  nıan  ze  sind  richen  und
armen  uf  alliu  gelichiu  gemainiu  und  redlichiu  ding  ane  alle  geverde.
Darzü  haben  wir  vorgenanten  burgermaister,  räte  und  alle  burger
gemainlich  rich  und  arme  der  stat  ze  Ulme  gesetzt  und  setzen  mit
diesem  briefe,  daz  weder  burgermaister,  zunftmaister,  ratgeben  noch
unser  zwölf  gesworn  richter  noch  gemainlich  dehain  ander  burger
hie  ze  Ulme,  er  si  von  den  burgern  oder  von  den  antwerken  noch
nieman  andro  von  iren  wegen  von  nieman  dehainerlai  ratschatz,
miet  noch  schenkung  noch  dehainerlai  gabe,  diu  sich  uf  ratschatz
ziuchet  oder  geziehen  mag,  oder  darinne  sich  ainer  uf  den  aide
ichtzit  erkennet  oder  entstat,  daz  sich  uf  ratschatz  ziehe  und  daz
dehainen  burger  hie  ze  Ulme  antreffe,  nieman  bieten,  empfahen,
verhaissen  noch  geben  sol,  weder  haimlich  noch  offenlich.  Welher
daz  aber  darüber  tät  und  hberfüre,  es  were  burgermaister,  riehter,
ratgebe,  zunftmaister,  burger  oder  antwerksman,  dez  ratz  oder
usserhalb  dez  ratz,  der  sol  mainaide  haissen  und  sin  und  sol  dennoht
  darzü  gebessert  werden  alz  der  rat  oder  der  mertail  dez  ratz
denne  darumbe  ze  rate  wirt.  Und  also  haben  wir  vorgenanten,
der  burgermaister,  die  zunftmaister,  die  ratgeben  und  alle  burger
semainlich,  rich  und  arme,  der  zünften  und  och,  die  niht  der  zünften
sind,  uf  disen  briefe  ietzo  unbezwingenlich  gesworn  gelert  aide  zä
den  hailigen  mit  ufgebotten  vingern,  allez  daz  getriulich  ze  halten
und  war  und  stat  ze  lassen,  daz  hie  vor  an  disem  brief  geoffnot
ist  und  verschriben  stat  ane  alle  geverde.  Und  dez  allez  ze  warem
und  offem  urktnd,  so  haben  wir  unser  aller  und  unser  stat  gemains
insigel  offenlich  gehenkt  an  disen  brief,  der  geben  ist  in  der  vasten
dez  nehsten  montags  nach  dem  sunnentag,  alz  man  singet  Ocäli,
do  man  zalt  nach  Cristz  geburt  driutzehenhundert  jar  und  darnach
in  dem  sibenundniuntzigosten  jare  etc.?)
')  April  29.
3)  1397  März  26.

10

15

50

35