1455 Juni 30. 537
daz in derselben zeit iemand den vorgenanten von Rotweil allen den
iren und die in zu versprechen steen, zugriff mit rawb, brand oder
vengnuss oder sunst in ander wege, wie sich dann das fügt, und man
das durch unsere lannd, slozz, dörffer, gericht und gepiete sehe füren,
:5 treiben oder tragen, so sullen die, die uns und den unsern zugehörn
und zu versprechen steen, bei irer gelupt und aiden, wenn si darumb
ermant oder des sunst gewar werden, schuldig sein, dem zu fricher
tat nachzueilen und daz aufzehalten mit vleiss, als ob es ir aigentlich
güt were, von ainem mittag zu dem andern, auch getrewlich und
10 ungeverlich. Desgleichen wa in der genanten zeit der vier jare uns
oder den unsern und die uns zu versprechen steen, zugreiffen würde
mit raub, brand oder vengknüs oder sunst in ander weg, wie sich
dann das fügt, und man auch sehe furen, treiben oder tragen, so
sullen die vorgenanten von Rotweil und die iren, auch die in zu ver-15
sprechen steen, auch bei irer gelupt und aiden, wann si darumb ermant
oder des sunst gewar werden, auch schuldig sein, dem zu
frischer tat nachzueilen und daz zu halten mit vleiss, auch als ob es
ir aigentlich güt were, von ainem mittag zu dem andern, auch getrewlich
und ungeverlich. Wer auch sach, daz wir in der benanten
20 zeit der vier jar wider iemand zu krieg und veintschafft komen, daz
unser slozz, stett, diener oder undertan wider völligs recht belegert
oder besessen oder wir von rechtlicher scheinbarer ursach wegen uns
wider iemands für slozz oder stett belegert wurden, darinn sullen
die von Rotweil mit zwaihundert gewopneter ze füzz und das davon
25 ze ross geordnet werden, als vil und mann dann zu in zu hauptleut
notdürfftig were, uns zuziehen, wann si darumb von uns ermant und
ervordert werden, sich zu uns legern, hbeharren und arbaiten ainen
monat und nit lenger in funff meil wegs und nit verrer auf ir selbs
costen, si wolten dann von gütem willen uns weiter, verrer oder
30 lenger, dann oben vermerkt ist, zu dinst und gevallen werden, daz
sol steen und gesetzt sein zu irem willen. Si sullen auch die zeit
des legers, ob wir si ervordern, uns iren zeug in zimlichait, so lang
wir dann des an demselben ende ungevarlich notdürfftig wurden, auf
unsern costen leihen und doch also, daz in der an iren costen und
85 verliesung widerumb in ir stat geantwurt werd, und wurden wir oder
die unsern dieselben von Rotweil erbitten, dasselb ir volgk uber den
monad in solichem unserm löger ze enthalten und ze brauchen, so
sollen wir si dannhin, so lang si alda harren und bleiben, halten auf
unser selbs zerung. Ob auch die unsern und die uns zu versprechen
40 steen, in welhen wirden, stat oder wesen die weren, zu den vor ge-